Сэтгэлийн үг...

Гарчиггүй

2011-12-02T02:19:00.000-08:00

Ийм нэгэн сайхан шүлгийг дүү маань илгээлээ, ямар сайхан шүлэг вэ
* * *
Амьсгалахад агаар нь цэнгэг гэж
Амьдарахад газар нь чөлөөтэй гэж
Амсахад айраг нь амттай гэж
Амрахад алтанхан шороо нь зөөлөн юм гэж
Дуулахад хуур нь хөгтэй юм гэж
Дурсахад хуучин түүх ихтэй юм гэж
Дурлахад хүүхэн нь үнэнч юм гэж
Дуулим их Монголд миний бие мэндэлсэн юм
* * *
Дэврэн хуйлрах амьдралын шуурганд аргахад минь
Дэргэдээс тэтгэх хайрын рашаанаас ундаалж
Дуулж уйлан таньдаа зоргоор эрхэлсэний учир
Дэндүү уужим эх орноо эцэг шигээ дээдлэе би
Энхрийлье, эх орон чамайгаа энхрийлье
Эвлэрч бас эвдэрч мянган түүхээ шивнэхдээ
Энэрэлийн их далай ижий шигээ энхрийлье би
* * *

Мөнх нас

2011-10-11T00:59:00.000-07:00

Нэгэн мянга есөн зуун ерэн гурван оны зун Дундговь аймагт гандуухан байлаа. Өвөө эмээ хоёр минь хэдэн малтайгаа Дундговь аймгийн нутагт байрлах Зодох савахын хоолойд зусаж байв. Говь нутагт бороо ороогүй удсан тул газрын өнгө гандаж хүн малгүй сэтгэл гундуухнаар өдөр хоногийг өнгөрөөж байсан юм. Ийм хэцүү гантай цагт хүн малгүй ус л бараадна. Гэвч ус гэдэг чандмань эрдэнэ говь нутагт ховор. Говь нутаг гантай цагт худаг усаар нэн ядмаг тэр дороо л байгаа хэдэн худгын ус шавхагдаж ёроол нь гараад ирнэ. Дахин худгын ус ундрахыг хүлээнэ гэдэг бүтэн өдрийн ажил. Заримдаа шөнөчин хонь малтайгаа худаг сахиж өнжих бол энүүхэнд. Нэгэн өдөр өвөө минь Зодох Савхын дунд байдаг миний энгэрт нь чулуун гэр барьж тоглодог байсан жижигхэн улаан толгодын баруун хажууд очиж үзээд эндээс л ус гарна даа гэж хэлээд худаг ухахаар шийдэж тэр ажилдаа ханцуй шамлан орсон юм. Олон өдөр говийн ангаж хатсан хатуу хөрсийг ухсан. Хад чулуу ихтэй овооны хажуу суу болоод ч тэр үү дан хайрга шахуу хатуу хөрсийг 60 гаруй настай өвөө маань хүргэн ах нартай нийлж 10-аад метр хэртэй гүн ухсан. Гэтэл нэгэн өглөө эртлэн ухсан нүхээ дахин ухах санаатай иртэл өнөөх нүх нь тунгалаг хар усаар дүүрэн мэлтэлцэж байх нь тэр. Ёстой л алтан хундганы амсар дүүрээд мэлтэлзэх сархад мэт. Бөөн баяр. Миний өвөө хадархаг хөрсний цаана байгаа усны жинхэнэ судлыг олсон хэрэг. Ингэж л гантай цагт ойр хавийн айлуудын хүн малын эгшиж хоцорсон элэг дэвтэж үрчийсэн магнай тэнийсэн юм.

Өвөө минь энэ гаргасан худагтаа чулуугаар хашлага хийж өөрийн гараар ханийн чулууг нэг бүрчлэн хүргэн ах нарт зааварчилж одоо энд тавь, одоо тэнд тавь гэх зуураа Цагаан дух хэмээн нэр өгөөд “ ай хөөрхий амьд явсаны хэрэг нэг бүтлээ дээ. Гаргасан ус маань рашаан болох болтугай” хэмээн хэлээд жаргалтай сайхан инээмсэглэж хөлсөө арчин гаансаа нэрж сууж байсан нь одоо ч нүдэнд харагдаж байна. Би тэгэхэд дөнгөж сургуульд орж байгаа жаахан хүүхэд хажуугаар нь хурга ишиг гэж хөөцөлдөж гүйдэг байсансан.

Тиймээ миний өвөө рашаан гаргасан юм.

Үнэхээр миний өвөөгийн гаргасан ус нь хүн малын ангааг тайлаад зогсохгүй өвчнийг илааршуулдаг рашаан байсан байжээ. Тухайн үед хүн малын ундны устай боллоо доо гэж баярлаж байснаас бус чухам ямархан ид шидтэй рашаан гаргаснаа мэдээгүй байлаа. Гэтэл төд удалгүй ганц хоёр жилийн дараа нутаг усны хүмүүс өвөөгийн минь гаргасан худгын усны ид шидийг гайхацгаах болсон юм. Манайхтай олон жил айл саахалт явсан Баянсан гэдэг маш өндөр настай нэгэн өвгөн байдаг байсан юм. Настай хүн болоод ч тэр үү Баянсан гуай байнга даралт ихэсдэг түүндээ ихэд зүдэрдэг байлаа. Ялангуяа зуны хурц нартай өдөр Баянсан гуай маань ихэд бухимдана, шаналана. Эм ихээр ууна. Гэвч удаан хугацаанд байнга уусан эм нь дасал болж түүний даралтыг буулгахаасаа буулгахгүй нь их болоод байсан юм. Гэтэл гайхалтай нь өвөөг минь Цагаан духын усыг гаргасан тэр цагаас хойш тун удалгүй Баянсан гуйн даралт хэвдээ орсон гэдэг. Одоо миний өвөөгийн гаргасан энэхүү рашаан нутаг усандаа улам ихээр алдаршиж олон олон хүнийг бие амар сэтгэл тэнүүн явуулж байгаа юм. Тийм ээ, өвөөгийн минь гаргасан Цагаан духын ус даралт ихсэх эмгэгтэй эсвэл зүрх судасны өвчтэй болон элэг цөс нь өвддөг гээд ер нь л дотор эрхтэн өвддөг хүмүүсийн өвчнийг анагаах чадалтай рашаан байсан хэрэг. Хаа газрын холоос даралт ихсэх эмгэгтэй эсвэл зүрх судасны өвчтэй болон элэг цөс нь өвддөг хүмүүс гэр бараа майхан савтайгаа ирж хонон өнжин энэ рашаан усанд өөрийгөө сувилаж эрүүл саруул болоод буцдаг. Хүмүүс Цагаан духын худгыг бараадан худагнаас 1 км орчим зайд байдаг Оросын тосгоны хуучин байшингуудыг ашиглан Сувилал хүртэл байгуулсан байсан. Энэхүү рашаан одоо Дундговь аймгын Сайнцагаан сумаас баруухантай 10-аадхан км-т байдаг бөгөөд түүнийг хүмүүс өвөөгийн минь нэрээр Адилбишийн рашаан хэмээн дууддаг юм.

Миний өвөө 3 жилийн өмнө бурхан болсон. Өвөөгийн минь алдар нэр нутгийн зон олоныхоо дунд үүрд мөнхрөн үлджээ. Манай өвөө дэнж даахгүй баян байгаагүй ч ажил хөдөлмөр, хүн чанар, ухаалаг зан төрх, хийж бүтээснээрээ дэнж хотойлгосон баян хүн байжээ. Өвөөгийн минь гаргасан рашаан ус байсан цагт өвөөгийн минь нэр үргэлж түүнтэй хамт явах заяа тавилантай аж. Сайн сайхан үйлс гэдэг ингэж л эзнээ нэгэн насаар нь мөнхөлдөг ажгуу. Түүний хамгийн тод жишээ нь миний өвөө билээ.

Өнгөрсөн зун Дундговь аймагт дэлгэр сайхан зун болж энэ нутгийн ард түмэн 70 жилийнхээ баярыг тэмдэглэж дэнж хотойтол наадсан. Би ч нутаг усандаа наадахын зэрэгцээ өвөөгийнхөө гаргасан рашаан дээр амраг хань, алаг үр, ахан дүү нарынхаа хамтаар очиж хайрт өвөөдөө зориулан өөрийнх нь гаргасан худаг дээр бяцхан дурсгалын хөшөө босгоод, мөн хэдийнэ 3 жил өнгөрсөн тул өвөөгийнхөө газар дээр очоод ирсэн. Даралт ихэсдэг зүрх судасны эмгэгтэй хүмүүс өвөөгийн минь рашаанаас хүртсэн хэвээрээ л байлаа. Хажууд нь чулуун овоо босгоод хадаг яндар уясан байх юм. Өвөөдөө дурсгалын хөшөө босгож байгаа бидэнд учрыг нь ойлгосон нутгийн хүмүүс чин сэтгэлээсээ туслаж байсан явдалд би туйлын ихээр догдолж хайрт өвөөдөө улам их баярлаж уярлын нулимсыг удтал асгаруулан зогсож байсан юм. Тиймээ миний өвөө энгүй их ачтан байж. Ус гэдэг чандмань эрдэнэ. Алт мөнгөгүйгээр та амьд явах ч усгүйгээр та амьдрахгүй шүү дээ. Миний өвөө олон ардыг тэтгэгч чандмань эрдэнэ усыг гаргасан. Зүгээр ч ус биш рашаан булаг болсон усыг. Энэ ертөнцөнд өөрөө байхгүй ч өвөө минь энэ ертөнцийн олон хүн амьтдыг жаргуулсан ачтан мөн билээ. Мөнхөрөх тавилан гэж энэ ажээ. Тиймээ миний өвөө мөнх настай хүн.Түүнийг С. Адилбиш гэдэг юм.

Өвөөгийнхөө гаргасан худаг дээр хөшөө босгохдоо ах дүүгийнхээ дунд бэсрэг наадам хийснийхээ цөөн хэдэн зурагнаас сонирхуулж байна.

Өвөөгийн маань хүү, хүргэн хүүдүүд барилдах гэж байгаа нь

Бяцхан ач зээ нарынхаа дунд уралдаан зохиогоод түрүүлж ирсэн хүүхдүүдээ урамшуулж байгаа нь. Дашрамд хэлэхэд энэ уралдаанд миний хүү түрүүлсэн.

Ээ дээ монголчууд минь

2011-09-11T19:56:00.001-07:00

Иргэн хүнийхээ хувьд хүн бүр л эх орныхоо төлөө сэтгэл зовинож суудаг л биз. Тэдгээр хүмүүсийн нэг нь би шүү дээ. Улс эх орныхоо хөгжил дэвшлийн төлөө шууд бус тодорхой хэмжээгээр оролцож байгаа гэж өөрийгөө үздэг. Тэгээд эх орныг минь төлөөлөн удирдаж байгаа хүмүүсийг хөндлөнгөөс хараад байхад эх орны төлөө гэсэн нэрэн дор их л олон ажил хийж байгаа бололтой. Даанч тэр хийж буй их үйлсд нь сэтгэл дутаад байгаа юм болов уу даа гэж бодогдоод байх юм. Жишээ нь гадагшаа өч төчнөөн сайхан залуус маань хар ажил хийхээр гэрээтэй гэрээгүй гарцгаах юм. Гадагшаа гарвал тэнд сайхан амьдралын алтан түлхүүр байгаа мэтээр төсөөлдөг хүмүүс олон бололтой. Гэтэл Монголд минь ажлын байр зөндөө л байх юм. Солонгост очиж хар ажил өдрийн 16-20 цагаар хийж байхын оронд эх орондоо Таван толгой, Оюу толгойдоо ажилмаар санагдах юм. Гэтэл тэнд гаднаас ажиллах хүчийг маш ихээр оруулж ирж байна. Хамаг залуу үеээ гадагшаа явуулаад оронд нь гадны ажиллах хүчийг өндөр цалинтай оруулж ирэх нь дээр байсан юм болов уу даа. Магадгүй уншсан сонссон үзсэн харснаараа охор надаас эх орны маань удирдлагууд илүү болохоор тэр нь илүү зөв ч байж мэдэх болоод тийм шийдвэрт хүрсэн биз. Гэтэл хүний амьдралын гол утга учир гэр бүл шүү дээ. Өглөө ажилдаа иртэл миний хамгийн хайрлаж хүндэлж явдаг багш маань хэлж байна: Хүнд 1 шилэн бөмбөг 3 ширмэн бөмбөг байдаг аж. 3 ширмэн бөмбөг маань ажил мэргэжил зэрэг юм, харин ганц шилэн бөмбөг маань хүний гэр бүл гэнэ. Ширмэн бөмбөгийг шидэхэд ойж буусаар цааш явдаг бол шилэн бөмбөгийг шидэхэд тэр дороо хагардаг. Тиймээс хүн гэр бүлээ нэгдүгээрт тавьд хайрлан хамгаалж тэрний төлөө нөгөө 3н ширмэн бөмбөгөө ашиглах хэрэгтэй юм байна. Гэтэл гадагшаа явсан залуусын маань ар гэр энд эзэнгүйрч зарим нэг нь гаднаас ирсэн нөгөө мундаг ажиллах хүчтэй гэр бүл болсон тохиолдол ч байдаг л юм байна. Гэр бүлээ аваад гарсан нь цөөн бололтой. Магадгүй энэ байдлаар нэг их хугацаа шаардалгүй эрчүүд маань харьд очиж харийн бүсгүйтэй, эмэгтэйчүүд маань орж ирсэн бас л харийн эрчүүдтэй нийлэн монгол гэдэг үндэстэн алга болох вий дээ. Гал манаж үлдсэн бүсгүйчүүд маань хичнээхэн тэсэх билээ. Миний блог дээр байгаа Ухаант хүн роман маань энэ л тухай өгүүлсэн байдаг. Одоо цагт бидэнд тохиолдох гээд байгаа аюулын тухай өгүүлсэн хэрэг. Бидэнд Нендэртал үндэстэн шиг болох тун ч ойрхон санагдана. Магадгүй би хэтрүүлж бодсон ч байж мэднэ.

Түгээх

Ухаант хүн: роман ( 3-р хэсэг )

2011-02-22T16:47:00.000-08:00

Түүний хүүхэд нас нь олон ам бүлтэй хүчирхэг хүн сүргийн дунд аз жаргалтай баяр баясгалантай өнгөрсөн. Ачтаныг хүүхэд байхад сүрэгт нь түүнтэй нэгэн үеийн олон охид хүүд нар байдаг байлаа. Тэд эх эцэг, сүргийн ахмад гишүүдийн хайр халамжаар дутаагүй өсөцгөөсөн билээ. Өдөр болгоны үдэш орой Нендэрталчуудын хүн сүрэг аварга том түүдгийн дэргэд бөөгнөрч хүчирхэг эрчүүдийнхээ агнасан ангын махыг шарж хүүхэд багачууд нь наадан тоглож охид залуус нь бие биесээ хайрын нүдээр урин дуудаж энд тэндэхийн хадны араар орон саатаж настангууд нь өөр хоорондоо хуучилж, зарим нь үр хүүхдээ заан сургаж хорвоо ертөнцийг дан ганц аз жаргалтайгаар туулж байсан цаг саяхан билээ. Одоо өнгөрч одсон тэр сайхан цаг зөвхөн дурсамж болон Ачтаны сэтгэлд л үлджээ. Хүүхэд ахуй цагт нь Нендэрталчуудын бахархал хүн сүргийн нүүр царай болж явсан хүмүүс нь орчлонгийн жамаар өтөл насыг зооглож, ээлж дараалан хорвоог орхисоор нэг л мэдэхэд барагдсан. Ачтаныг орь залуу байхад ээж нь мөн л түүнийг орхин одсон. Ээж нь нэг орой унтаад маргааш өглөө нь дахин сэрсэнгүй. Тэр ээжийгээ сэрэхийг бүтэн 3 өдөр хүлээгээд дахин хэзээ ч сэрэхээсээ өнгөрчээ гэдгийг ойлгосон. Түүнээс хойш арваад хоногийг Ачтан өөрийн ухаантай ухаангүй өнгөрөөжээ. Ээжээсээ хойш тэр үнэхээр их ганцаардаж, ганцаардлын зовлон гэж ямар хэцүү юм байдгийг тэгэхэд л яс махандаа шингэтэл ойлгож авсан. Ээжийх нь үеийн хөгшид өвгөд бүгд барагдаж үе тэнгийн залуу сайхан эрчүүд нь бүгд хүн сүргээсээ холдон дайжиж энд тэндэхийн агуйн мухарт бие биеэ даан амьдарцгаах болсноор хэдэн бүсгүйчүүд болон нас биед хараахан хүрч амжаагүй цөөн хүүхдүүд л сүрэгтээ үлдсэн байлаа. Ачтан тэдний нэг билээ. Нендэрталчуудын эрчүүд хүн сүргээсээ тасран жожгирох явдал нэлээд олон жилийн өмнөөс магадгүй зуун жилийн өмнөөс эхлэлтэй бөгөөд тэр нь Ачтаныг нас биед хүрэх үед дээд цэгтээ хүрч бүх эрчүүд нь сүргээ хаяж одсон юм. Зуун жилийн өмнө ганц нэгхэн Нендэртал эрчүүд жожгирон сүргээсээ дайжин уул хаданд амьдардаг байсан бол одоо бүгд ийнхүү дайжин алга болцгоожээ. Ижил олон сүрэг хань ижил үр хүүхдээ хаяж одсон эрчүүдээсээ хойш Нендэртал бүсгүйчүүдэд ямар ч ирээдүй байхгүй болсноор барахгүй нийт төрөл зүйлд нь мөхөл хэмээх гүн хар ангал аймшиггүйгээр нүүрлэн иржээ. Тэр ч бүү хэл Ачтаны төрсөн ах нь бусдынхаа нэгэн адил хайртай төрсөн дүүгээ хаян сүргээсээ салж одсон билээ. Ганцаардаж зовж шаналсан Ачтан өөрийг нь хүүхэд ахуй цагт нь бусдаас өмгөөлөн хамгаалж ихээр хайрладаг байсан ахыгаа улам ихээр үгүйлэн санаж байлаа. Харцуул нь яагаад ингэж хүн сүргээсээ дайжих болцгоосон юм бүү мэд. Гэсэн ч яалтай билээ. Ханийн хайр халамж, эр хүний нөмөр нөөлөг үр хүүхэд хүссэн Нендэртал эмэгтэйчүүд эрчүүдээ сүрэгтээ эргээд ирэх болов уу хэмээн нүдээ чилтэл харуулдаад арга нь барагдаж эцэстээ тэвчээр нь алдран ганц нэгээрээ алга болцгоож эхэлсэн. Эд сайндаа алга болоогүй хүн сүргээ хаяж одсон эрчүүдийнхээ араас явцгаасан нь тэр билээ. Гэсэн ч амжилт олоогүй бүсгүйчүүд маань эргэж ирэх нь олонтаа. Эрчүүддээ хөөгдөж туугдсан тэдний зарим нь бүр айхавтар хүнд бэртэж үлгэн салган эргэж ирэх нь бүр ч хэцүү.
/ Их дэлгүүрийн Majestic Номын дэлгүүр , 3,4-р хороололд байрлах Номин их дэлгүүрийн номын тасаг, Интерном номын дэлгүүрүүдээр: Ухаант хүн роман/

Ухаант хүн: роман (2-р хэсэг)

2011-02-17T20:49:00.000-08:00

Төмөр оргилын урд бэлээр уулын хормойг эмжин зүүнээс байруун тийш сунаж тогтсон эгц босоо хадан ханатай гүн хавцалыг даган явбал хавцал нарийссаар хавцалын дуусах хэсэгт байх яанх хойш эргэсэн нарийхан салаанд орших нэгэн томоохон агуйн аманд тулж ирнэ. Хүн хүрэхийн аргагүй бартаатай далд нууц газарт байрласан энэ агуйг одоо цагийн хүн бол огтхон ч эргэлзэлгүйгээр алмасын агуй байна гэж бодох биз ээ. Хавцалын хоёр талын хадан хана хэтэрхий өндөр тул агуйн ам өдрийн ихэнх цагт нар үзэхгүй сүүдэртэй байх бөгөөд гагцхүү жин үдийн нар л агуйн аманд хэсэгхэн хугацаанд тусаад өнгөрөх тул зуны улирлын аагим халуун өдрүүдэд агуй нэн тааламжтай сэрүүхэн байх ажээ. Агуйн ойролцоо амьтны араг яснууд энд тэндгүй хөглөрөн байхыг харвал ямар нэгэн махчин араатан энэ агуйд суудаг мэт ойлголт төрүүлнэ. Мөн амьтны сэг зэмийн хажуугаар ихээхэн үнс нурам хагас дутуу шатсан модны мөчир зомгол хэвтэх нь энэ агуйд махчин араатан биш хүн суудаг болов уу гэмээр. Үнэхээр тийм ажээ. Нар яг агуйн аманд тусах жин үдэд агуйгаас нэгэн хүн аяархан алхсаар гарч ирэв. Аажимаар алхлах түүний ядмагхан хөдөлгөөнийг харвал нилээд настай нэгэн бололтой. Агуйгаас гарч ирсэн ахимаг насны хүн бол өтөл насны Нендэртал эмэгтэй байлаа. Одоогийн хүмүүстэй харьцуулахын аргагүй үс гэзэг нь сэгсийсэн аймаар царай муутай нэгэн байв. Нилээд өргөн цээжтэй урт гартай хамрын угт байрласан хоорондоо их ойрхон хоёр нүд нь улаанаар эргэлдэн ганц хуруу хүрэхтэй үгүйтэй өргөн духтай, арагшаа налуу цүдгэр гэдэсний дээх нь хоосон хавтага мэт шалчийсан хоёр хөх нь унжиж нуруугаараа бөхийсэн түүнийг харсан хэн я айж чочмоор. Түүний энэ аймар дүр төрөхийг наранд түлэгдэж салхинд гандаж, тас харалсан өтөл насны үрчийж хорчийсон арьс нь улам айдас төрүүлэм болгожээ. Энэхүү эмгэн хэдийгээр 40 гаруйхан настай боловч наян настай мэт харагдах гадаад төрх нь байгалын жам ёс гэхээс илүүтэйгээр насан турш нуруундаа үүрсэн бие сэтгэлийн зовлонгоос үүдэлтэй болов уу гэмээр ажээ. Энэ эмгэний нэрийг Ачтан гэх бөгөөд энэ нэрийг түүнийг хүүхэд ахуй цагтнь сайхан сэтгэлтэй өөрийнх нь үеийн нэгэн хүү өгсөн билээ. Тэр л цагаас хойш Ачтан энэ сайхан нэрээр нэрлэгдсээр өдий хүрсэн ажгуу. Нендэртал эмгэн Ачтан аажуухан алхсаар агуйн амны ойролцоох хүн суухад тохиромжтой нэгэн бул чулуун дээр ирэн наран зүг харан суулаа. Хавцалын нарийхан салаанд орших агуйн аманд хэсэгхэн хугацаанд тусаад өнгөрдөг нар энэ удаа бас хавцалын баруун хананы цаагуур далд орж сүүдэр туслаа. Ачтан өнгөрүүлсэн амьдралаа бодож сууна.
Ачтан олон жилийн өмнө энэ Тэнгэр ууланд төрөөд Тэнгэр ууландаа насыг барж байгаа билээ. Мэдээ орсон цагаас хойшхи бүхий л амьдрал нь нүдний нь өмнүүр эрэмбэ дараатай хөвөрнө.
/ Их дэлгүүрийн Majestic Номын дэлгүүр , 3,4-р хороололд байрлах Номин их дэлгүүрийн номын тасаг, Интерном номын дэлгүүрүүдээр: Ухаант хүн роман/

Ухаант хүн: роман (1-р хэсэг)

2011-02-16T18:42:00.000-08:00

Манай тооллын өмнөх 190-р он буюу одоогоос 20 мянган жилийн тэртээх зуны нэгэн өдөр өргөн уудам Ази тивийн зүрхэн тушаа цээжин дээр орших далайн түвшингээс дээш 7,5 км буюу 7455 м өндөр өргөгдсөн Тэнгэр уулын нуруу яг одоогийнхоо дүр төрхөөр эрт цагт зах хязгааргүй далай тэнгист асар өндөр давалгаа үүсэж тэрхүү давалгаа нь гэнэт царцан хөшиж энэ их уул нуруу болоо юу гэмээр аварга том чулуу давалгаа мэт эсвэл эртний бөх бат цайз, бэхлэлт хана хэрмийг санагдуулам гайхамшигт сайхан сүмбэр их оргилууд сүндэрлүүлэн чимээгүйхэн оршин байлаа. Энэ цаст оргилууд бүхий уулсаас тогтох аварга том нурууны бараг бүх оргилууд бүгд үүлэн дунд умбах ажээ. Зарим хэт өндөр оргилын шовх орой үүлийг цоо хатган нэвтлэн гарч ирсэн нь уул газраас тасран үүл хөлөглөн тэнгэрт аялаж явна уу, үгүй бол газарт биш тэнгэрт тогтсон уул уу гэлтэй. Нэн сүртэй энэ агуу их уулсын бараа сүр нь харсан хүний харааг булаахын зэрэгцээ айн сүрдэх, бишрэн шүтэх бахдах сэтгэлийг өөрийн эрхгүй төрүүлнэ.Гайхамшигтай сайхан их уулсын дунд тэг дундаасаа дээш цасан цагаан дуулга өмсөн үргэлж үүлсийн дунд умбасан нэгэн ноён шовх оргил байх бөгөөд энэхүү оргилыг Төмөр оргил гэх бөлгөө. Төмөр оргил бол Тэнгэр уулын нуруун дахь бүх оргилын хаан нь билээ. Төмөр оргил болон түүний ойролцоох уулсын дундуур толгой эргэм гүн гүнзгий урт урт хадан хавцалууд хойш урагш хөндлөн гулд сүлжилдсэн байх бөгөөд тэр гүн хавцалууд дунд орвол хажуугийн уулын цасан цагаан малгай юу юугүй тасран дээрээс унаад ирэх нь үү гэмээр санагдаж дотор хүйт оргиулах нь энэ их уулс хичнээн сүрлэг болохыгоо өөрөө хэлээд өгч буй мэт. Мөнх цаст оргилуудын хадан хавцал дундуур тунгалаг уст гол горхи жирэлзэн урсаж нэгээс нөгөөд хүрхрээ үүсгэн цутгаж гол горхисын хөвөөгөөр ургамал өнгийн цэцэгс алаглаж багшран ургасан бут сөөг бургас моддод нь жигүүртэн шувууд шулганалдаж ан амьтан шивээлсэн байх нь үүнээс өөр үзсэглэнтэй бөгөөд аз жаргалтай амьдрал дүүрэн буцалсан диваажин мэт газар манай гариг дээр хаа ч байхгүй мэт санагдана. Энэ үлгэрийн гэмээр тансаг сайхан байгалд 20 мянган жилийн тэртээ амьдрал буцалж байсан нь үнэн боловч бүх амьтад аз жаргалтай байсан уу гэвэл үгүй ээ. Энэ хорвоо дээр амьдрал анх үүссэн тэртээх он жилээс эхлэн жаргал зовлон хоёр яг адилхан тэнцүүхэн оршин байсаар өдийг хүрсэн билээ. Хорвоо дээр дан ганц аз жаргал ноёлон байсан цаг хором амьдрал үүсэн бий болсон цагаас эхлэн бичигдсэн амьдралын түүхийн номын аль ч хуудсанд байхгүй. Харин ч жаргалаасаа илүү зовлон дийлж байсан цаг үеийн түүхийг агуулсан хуудас нэгээр тогтохгүй олонтаа байдаг юм. Тэрхүү зовлон дийлсэн амьдын хорвоод үлдэж хоцрохын төлөө болон өөрийн төрөл зүйлээ мөхлөөс аврахын төлөө бидний балар эрт цагийн өвөг дээдэс маань өөр хоорондоо хэрхэн яаж тэмцэлдэж бас хэрхэн яаж бие биедээ туслаж тэрхүү эерэг болон сөрөг үйлдлүүдийн үр дүнд зарим нь дээсэн дөрөөн дээр дэнжигнэн үлдэж улмаар цаашид хөгжин цэцэглэж зарим нь элэг эмтрэм өршөөлгүйгээр сөнөж мөхөж байсан тухай түүхийг өгүүлсэн одоогоос 20 мянган жилийн өмнө болсон нэгэн явдлыг би вээр энд бичих гэсэн юм. Товчхон хэлэхэд бурхан хэнд нь үхэх ял зааж хэнийг нь өршөөн авч үлдсэн түүхийг бичихнээ гэж ойлгож болно.
/ Их дэлгүүрийн Majestic Номын дэлгүүр , 3,4-р хороололд байрлах Номин их дэлгүүрийн номын тасаг, Интерном номын дэлгүүрүүдээр: Ухаант хүн роман/

Уран сайхан гэж ...

2010-11-09T18:56:00.000-08:00

Сүүлийн үед хамаг үзэгчдийг байлдан дагуулаад байгаа "Тусгай салаа" хэмээх киног дундаас нь ороод үзлээ. Тодруулбал Сүлд Номин 2 танилцаж эхэлсэнээс хойших ангиудыг. Яахав дажгүй уран сайхны кино. Амьдралаас жаахан тасархай, киноны хамгийн их таалагдсан зүйл Дэндэвийн дүр. Яг л жинхэнэ монгол эр хүн гүндүүгүй, морь ярьсан шулуун шударга нэгэн, бас дуулсан дуу нь.
Хийсвэр зүйл ихтэй кино шиг санагдсан.
Жишээ нь: Байлдагч дэд ахлагч 2 нэг гал тогоонд хоололдоггүй тэр тусмаа 2 өөр цэргийн анги дундаа 1 гал тогоотой байна гэдэг худлаа.
Бас албанаасаа оргосон цэргийг эрхлүүлээд ааваар нь эмнэлэгт өвчтөн сахиулж байгаа юм шиг хүүг нь сахиулна гэдэг бас л амьдрал дээр сөгдөж гуйгаад ч бүтэхгүй зүйл.
Хамгийн том хэтрүүлэг нь байлдагч энхийг сайхулах ажиллагаанд яваад дэд ахлагч цол авдаг хэсэг. 6 сарын дараа гээд онгоц буусан чинь байлдагч маань дэд ахлагч болчихсон байсан. Амьдрал дээр үнэхээр тийм байдаг бол сайхан л хэрэг, тэгсэн бол манай нөхөр аль дээр үед хурандаа цолтой болчихгүй юу.
Гэхдээ Чад улсад үүрэг гүйцэтгээд ирдэг хэсэг сайхан санагдсан. Учир нь тэр зураг авалт нь манай нөхрийг Чад яваад ирж байхад авсан зураг авалт байсан болохоор өөрийн эрхгүй хүүгээ тэврээд нөхрөө тосоод зогсож байсан минь санагдсан. Миний хүү "аав ирлээ" гээд нүдэндээ нулимастай инээж байгаа нь нүдэнд харагдсан шүү. Онгоцноос тугаа бариад бууж байгаа нь үнэхээр бахархмаар сайхан санагдаж байсан. Ингээд эргээд ирдэг байжээ л гэж бодож байсан. Хар дарсан зүүд шиг 7 сарыг ардаа орхиж байгаа нь тэр шүү дээ хөөрхий би гэдэг хүн чинь.
Гэхдээ мэдээж уран сайхан юм чинь хэтрүүлэг байлгүй л яахав, Ямартай ч цэрэг гэдэг хүний эр зориг, тэвчээр хатуужил, хүн чанар хүмүүжлийг илэрхийлж чадсан Тусгай салаа киноны хамт олонд талархал илэрхийлье.

Шүлэгийн мөртүүд...

2010-10-20T00:45:00.000-07:00

Өвөл шувууд бээрдэг шиг би жинддэг байсан
Өглөө босоод цонх руу ширтэн би гунигладаг байсан
Өөдөсхөн охины бээлийтэй гар даардаг байсан
Өвөл адил үргэлж сэтгэл минь жавартай байсан
Харин чи намайг зун болгосон
Халуун дулаан бас янагхан болгосон
Хаврын цэцэг шиг үзэсгэлэнтэй болгосон
Хайлах цас шиг уяхан болгосон
Хуялын сүрчигээр агаар амьсгалж
Хүслийн бороо зөөлөн асгархад
Даашинзны хормойд наалдсан өвс
Чиний чимээнд чичирч байсан ...

Шүлэгийн мөртүүд...

2010-10-04T22:50:00.001-07:00

Хайрлах юм бол намайг яг л одоо хайрла
Халуун залуу насыг минь
Хагдарч гундахаас нь өмнө
Хайрын улаан дөлийг минь
Унтарч бөхөхөөс нь өрсөж
Хайрлах юм бол намайг яг л одоо хайрла
Хаях юм бол намайг яг л одоо хаяа
Байгаа сайхан бүхнийг минь
Барагдаж дуусахаас нь өмнө
Балиар энэ амьдралаас залхаж зугтахаас нь өрсөж
Хаях юм бол намайг яг л одоо хаяа
Жаргаах юм бол намайг яг л одоо жаргаа
Жавартай дулаантай насыг минь
Жаргаах юм бол намайг яг л одоо жаргаа
Орхих юм бол намайг яг л одоо орхио
Орь залуу насыг минь
Огшиж гундахаас нь өмнө
Оргилуун халуун хүслийг минь
Оргүй алга болохоос нь өрсөж
Орхих юм бол намайг яг л одоо орхио
Жамаараа хөрөхөөс нь өмнө
Жавхаат алаг нүдийг минь
Жаран үрчлээс болохоос нь өрсөж
Жаргаах юм бол намайг яг л одоо жаргаа

Шүлэгийн мөртүүд...

2010-10-04T22:48:00.001-07:00

Сайхан гэж хэлэх чамд багадна
Саваагvй үг унагавал нүдэнд чинь гуниг бууна
Хайртай гэж хэлсэн минь цөөдөхгvй
Хяруу цайрах намар цагаар хуучирахгvй
Бодлогошронгуй хачин тунгалагхан чиний ертөнцөд
Богинодсон даашинзтай хонгор нас минь vлдсэн
Ангир намрын анирыг хөндөж алтан үгээ чамд хэлсэн
Намуухан инээдэнд чинь гуниг минь оргүй хөвөрч
Нялхын чинь үнэрийг үрийнхээ зулайнаас мэдэрдэг
Эгэл намдуу төрхийг чинь би дээдэлдэг
Эрхсийн дор чинийхээ төлөө залбирдаг
Яг л миний шүтэн дурладаг
Яруу эрхэм хайр минь чи юм шүү!

Ишлэл....

2010-09-27T18:24:00.001-07:00

Мэдэж байгаа юмаа дандаа бүү ярь,
ярьж байгаа бүхнээ харин дандаа мэдэж бай.

Хайрын цас

2010-09-20T21:10:00.001-07:00

Би сургуулийнхаа царайлаг хөвгүүдийн тоонд ордог.

Биеэ тоосон, царайлаг гэсэн утгаараа ч охидын сэтгэлээр тоглох эрдэм аргыг гаргууд дээд зэргээр эзэмшсэн нэгэн байсан. Миний энэ өөрийгөө зугаацуулж, найз нартайгаа марзан яриа өрнүүлж, түүгээр ч үл барам охидын нулимсаар бахаа ханган түүнээсээ таашаал авч амьдардаг амьдралыг минь хүний нүдэнд тэр болгон өртчихгүй энгийн даруухан мөртлөө ухаалаг нэгэн охин уг үндсээр нь сугалж орхисон юм.

Нэг өдөр би хичээлээ тарчихаад байрны гадаа сууж байтал толгой дээр нэг юм уначихдаг байгаа ууртай гэгч нь дээшээ хартал нэгэн охин:

- Би очлоо байж байгаарай гээд цааш гүйв. Удсан ч үгүй орцноос гүйсээр нэг охин гарч ирлээ.

- Намайг уучлаарай би номоо норгочихоод хатаах санаатай тагтан дээр гарч ирсэн боловч хатааж чадалгүй унагачихлаа. Хүн цохичихно гэж бодсонгүй Уучлаарай би номоо аваад орж болох уу гэж хэлээд орчихсон билээ.
Би хэр барагтаа хүний өөдөөс дуугүй өнгөрч байгаагүй хэрнээ түүний өөдөөс юу ч хэлж чадаагүй. Тэр охин надад ярих боломж өгөхгүй их юм зогсоо зайгүй ярисан ч байж болох. Энэ бүхнээс хойш нэлээд хугацаа өнгөрлөө. Өнөөх охин ч мартагдчихсан байсан. Өвөл ч хаяанд ирж, гадаа анхны цасан том том ширхэгтэйгээр бударч байсансан.
Энэ өдөр би гэртээ орон дээрээ шигдчихээд будран орох цасан дунд өөрийн хайрын эзэнтэйгээ хамт алхалж явна гэж төсөөлж байлаа. Би анхны хайртайгаа учраагүй байсан ч тэр төсөөлж буй хүн минь нэг л харсан байлаа. Би бодоод бодоод олсонгүй. Тэгээд цүнхээ уудалж хичээлээ ялгах санаатай номнуудаас авчихаад унагачихсан билээ. Тиймээ тэр төсөөлж буй хүн минь толгой дээрээс минь номоо унагадаг охин байна ш дээ.Би түүнийг танихгүй ш дээ.
Яагаад надад .....? гэтэл утас дуугарсан утсаа авахад манай байрны Батаа:

- Болдоо сайн уу? чи завтай байна уу? би урд байрны Номингоос юм гуйх гэсэн чинь ганцаардчихаад цуг явах уу? гэлээ
- Ямар Номин гэхэд
15 минутын дараа би танайд очино шүү! Пока гээд утсаа тасалчихсан. За за ээж Батааг ирвэл намайг дуудчихаарай гээд юм хумаа цэгцлээд хувцсаа өмсөөд Батааг хүлээж суулаа. Батаа ч ирсэн. Би түүнтэй Номин гэгчийнх рүү явлаа.
Тэр охины гэрт нь ирээд, хаалгыг нь тогштол бидний ард

- хэн бэ? гэх сонсдов. Эргээд хартал нөгөө ном унагадаг охин байлаа. Батаа:
- Номин сайн уу? би чамаас нэг юм гэхэд нь
Би ярийг нь таслан
- Сайн уу? таниж байна уу? гэж асуулаа
- Өө тийм сайн уу? гэж хэлчихээд Батаагаас гуйх юм чинь юу юм бэ дээ гэлээ мань хүн ч би нотны дэвтрийг чинь л гэхэд за тэг гэхдээ би нэг симфон тоглож үзээгүй байгаа. Би хурдхан тоглочихоё тэгээд та хоёр ав орооч дээ гэлээ.
Номин төгөлдөр хуур үнэхээр гоё тоголдог юм билээ. Энэ мөчөөс хойш тэр охин миний сэтгэлээс гарахаа боличихлоо. Унтахаар хэвтэхэд ч түүний тоглосон симфон чихэнд тодоос тод сонсогдоно.
Үнэн гэж үү дээ Энэ миний хайж явсан хайр мөн гэж үү. Хайр гэдэг сайхан юм аа. Хайртай хүнээ сэтгэл дотроо нандигнаад Батаагаас танилцуулж өгөхийг гуйж анх албан ёсоор танилцаж билээ. Бид үерхэж Хайртай хүнтэйгээ хамт байхын жаргалыг мэдэрч билээ. Номин үнэхээр сайхан царайлаг, ухаалаг, арван хуруу тэгш мөртлөө түүний нүдэнд гунигийн хар сүүдэр байдаг нь миний гайхлыг төрүүлж байлаа. Би түүнээс асууж үл зүрхлэнэ.Тэр минь надад яагаад хэлдэггүй юм болдоо. Яагаад гэсэн бодол намайг эзэмдэнэ. Түүний минь ээж аав нь хаана байдаг юм бол. Эмээтэйгээ л байдаг гэх юм.
Номин бид хоёр хос хунгууд ч атаархам аз жаргалтай хосууд байлаа. Бид 8,9-р ангидаа үерхэж 10-р ангийн босгыг алхсан.
Охид намайг Номинтой үерхдэгийг мэдсээр байж сэтгэл зүрхээ надад зориулж байдагт нь би харамасдаг байлаа. Гэхдээ тэр охид Номинд минь сэтгэлийг нь зүсэх үгийг дуулгаж түүнийг минь гомдоосон байсан.
Энэ үеэс хойш надаас Номин нэг л хөндий зайгаа барьдаг болчихсон. Би найз охиноос нь асуухад:
- Манай ангийнхан л Болдоо охид болгонтой л үерхдэг тэгээд л зугаагаа гарагчихаад хаячихдаг. Чамайг харин өнчин өрөөсөн болохоор чинь өрөвдөөд үерхээд байдаг гэж хэлсэн байсан.
-Болдоо чи Номингоор арай хэтэрхий тоглосон юм биш үү. Тэр аав ээжийгээ алдсанаас хойш хэзээ ч тийм аз жаргалтай байсныг нь би мэдэхгүй үргэлж л уйлж хүүхдүүдийн дунд орохоороо худлаа инээмсэглээд төгөлдөр хуураа тоглохдоо ч гунигтай аяыг тоглодог байсан. Чамд өөрийн эрхгүй татагдсан тэр үеэс л аз жаргал гэгчийг ахин мэдэрч эхэлсэн юм. Гэтэл чи түүнийг ахин гарч чадахгүйгээр хар ангал руу түлхдэг Болдоо чи ч хүн л юм даа гэчихээд явчихаж билээ.
Би түүний нүдэнд үзэгддэг байсан хар сүүдрийн учрыг олсон ч хожимдсон байлаа. Номингийнд очиход танихгүй хүн үүдийг нь нээж тэд нүүчихсэн ш дээ хэрвээ чамайг Болдоо гэдэг бол Номин үүнийг өгчихөөрэй гэсэн гээд нэгэн бичиг өглөө түүнийг уншхад:
- Би тэр бүгдийг худал байлгахыг хүсч байна. Гэвч үнэн байсан ч би чамд гомдоогүй ээ хоромхон зуурч болов хүнээр хайрлуулж харин хариуд нь насан туршдаа хайрлах хайрыг чамаас олсон шүү дээ. Хэрэв бидэнд дахин уулзах завшаан гарвал би чамайгаа чангаас чанга тэврээд "ХАЙРТАЙ" гэж хэлэх болно. Би чамд баяртай гэж хэлж зүрхэлсэнгүй уучлаарай.
Гэсэн нулимсанд үрчийсэн захидал байлаа. Номико надад хайртай, гэвч би яаж түүнтэйгээ уулзах вэ? араас нь явах гэтэл аав ээж минь явуулсангүй. Би түүнийгээ санасаар, сэтгэл дотроо тээсээр арай хийж 1 жилийг ардаа орхилоо.
Би хотод оюутан болж ирлээ. Өвөл болж, яг Номинтой учирч түүнд сэтгэл зүрхээ өгсөн анхны цасан шиг будран орж байлаа. Би ирээд нэлээд хугацааг өнгөрөөсөн ч түүнийгээ олж хараагүй л байсан юм. Би fm сонсохоор хөгжмөө асаатал "Хайрын цас" өгүүллэг явж байлаа. Энэ өгүүллэг ямар дотно санагдана вэ? гээд бодолхийлж байтал тэр минь надад өгсөн захиандаа дахин уулзвал чангаас чанга тэврээд хайртай гэж хэлэх болно гэж бичсэнийг нь уншлаа.
- Энэ чинь Номин байна ш дээ гээд хар хурдаараа гүйж fm-н үүдэнд ирэхэд Номин шатан дээр уйлчихсан сууж байлаа. "БИ ЧАМД ХАЙРТАЙ" чиний чихэнд хүрсэн бүхэн худал. Чи надад л итгээрэй "БИ ЧАМД ХАЙРТАЙ" гэж түүнийгээ тэврэн эвлэрч билээ. Энэ бүхнээс хойш 4-н жилийн дараа бид сүмийн хаалга татаж хуримаасаа
7-сарын дараа үрийнхээ зулайг үнэрлэсэн.
Өдий хүртэл биднийг учруулсан тэр ном миний ширээний мөнхийн анд минь хэвээрэй үлдсэн юм.

Яагаан сарнай

2010-09-16T22:14:00.000-07:00

Өвлийн нэг бүүдгэрхэн өдөр. За байз, эмийн сангаас "Читамон" авчихаад интернет кафед сууя байз. Маргааш философийн семинартай. Удахгүй реферат шалгуулна. Долоо хоног яасан ч хурдан өнгөрдөг юм бэ? Удахгуй шинэ жил болох нь чөтгөр ав,.." хэмээн бодсоор би Сүхбаатарын талбайн арын цэцэрлэг дундуур хурдалж явлаа. Би бол нэг хувийн дээд сургуулийн англи хэлний орчуулагчийн ангийн оюутан, байдаг л нэг охин. Овоо өндөр нуруутай, царайлаг ч гэхэд хэцүү, бас үзэшгүй муухай ч төрөөгүй хүн. Найзуудтайгаа элдвийг хаман чалчих, FМ сонсох дуртай. Ердөө л нэг тийм дундаж хүн дээ. Хаа очиж нийтэч зантайдаа тэр юм уу, ганцаардана гэж байхгүй шүү.

Харин ямар ч онцлоггүй Энхцэцэг нэрэндээ ёстой дургүй. Гэвч яая гэхэв, өдий хүрчихээд нэрээ солилтой биш. Гэрлэн дохио хүлээх гэдэг бас миний дургүй юмны нэг дээ. Би тэгэхээс тэгэх гэсэн шиг улаан гэрлэн дундуур зам хөндлөн гүйж цагаан " элентра "-гийн жолоочийн сүнсийг зайлтал тоормослуулаад зам хөндлөн гарлаа.Жолооч над руу ууртайгаар гараа зангидан занаад давхин одов. Би ч мөчөөгөө өгсөнгүй араас нь долоовороо чамархайдаа хүргэн "тэнэг" хэмээн дамшиглаад эмийн сангийн хаалгыг татав. Эмийн сангийн цэмцгэрхэн танхимд жавар дагуулан ороход минь элдэв эм тангийн үнэр, анир чимээгуй орчин угтлаа. Хоёр боодол "Читамон" бас хамрын дусаалга гээд халаасаа тэмтэртэл түрийвч минь байсангүй. Үүргэвч хүрэм, өмднийхөө бүх халаасыг тэмтрээд би түрийвчээ олсонгүй. Автобусанд суугаагүй болохоор суйлуулаагүй гэсэн үг. Сүхбаатарын талбайн арын цэцэрлэгээр явж байхдаа халааснаасаа бохь гаргаснаа санаад эргэн гүйлээ. Сандрахдаа толгой минь санах ойтой машин шиг л ажиллаж байлаа. "Одоо хүн олоод авчихсан биз. Ээжийн өгсөн арван мянгат. Бас түрийвч. Наддаа л ванлий эд байж. Чөтгөр..."

- Хүүе охион, чи юм аа хаяагүй биз гэх тун ялдамхан дуугаар сэхээ орох шиг. Цасанд дарагдсан нохойн хошууны бутны дэргэдэх намхан сандал дээр сууж буй цагаан өдөн хүрэм, ноолууран малгайтай охин намайг дуудсан нь тэр байж. Бурхан минь ямар хөөрхөн охин бэ? гэж би дотроо дуу алдаад: Харин тийм мөнгөө хаячихаад... гэхэд минь: -Энэ мөн байхаа. Уначихсан хэвтэж байсан юм гээд тэр жижигхэн хар түрийвчийг минь гаргаад ирлээ.

- Хүүе мөн байна. Азны юм. Чамд ёстой их баярлалаа. гэж би дуу алдаад гараа сарвайв. Зүгээр зүгээр гээд тэр охин бослоо. Ингээд салан одох харамсалтай санагдсан тул би:
- Хоёулаа танилцах уу? Намайг Энхцэцэг гээд гар сунгахад:
- Халиун гээд үүргэвчнээсээ нэрийн хуудас гаргаж өглөө.
- Өө баярлалаа. Надад нэрийн хуудас алга. Ер нь байхгүй л дээ. Би гэрийнхээ утсыг бичээд өгчихье. Чи байгаагүй бол би дүүдээ эмгүй харих байлаа.
Яг энэ үеэр Халиуны гар утас жингэнэн бидний яриа тасарчихав.
-За баяртай Энхээ. Би чамайг ингэж дуудаж болно биз дээ. Утасны дугаарыг чинь санамжиндаа хийчихье гээд бослоо. Сэтгэл татам хөөрхнөөс гадна цаанаа нэг эрхэмсэг охин юм
- Баяртай. Утсаар яриарай. Ингэж би нэг шинэ танилтай боллоо. Хэд хоногийн дараа Халиуны гар утас руу залгав.
- Байна. Хэн бэ? гэх нөгөө хонгорхон дуу сонсогдоход:
- Энхээ байнаа. Юу байна? Би дөнгөж номын сангаас орж ирээд байна.
- Өө сайн уу, чи үдийн хоолоо идсэн үү? Амжаагүй ээ.
- Номын санд сууж байгаад орж ирлээ. Ходоодонд зэвсэгт бослого гарах гээд байна шүү. Тэр миний үгэнд баясан инээд алдаад:
- Тэгвэл чамайг хоолонд урья. "Виннерс" кафед уулзах уу. Мэднэ биз дээ?
- Мэднээ, мэднэ
- За тэгвэл хорин минутын дараа тэнд уулзъя
Намайг хувцсаа солих гэж мунгинасаар нэлээд хоцорч очиход Халиунаа хэдийнээ ирчихсэн цонхны дэргэдэх ширээнд сууж байв.
- Би жаахан хоцорчихлоо. Уучлаарай гэхэд минь тэр:
- Зүгээрээ. Суугаач. Юу захиалах вэ? гээд гоёмсог хүрэн хавтастай цэс дөхүүлэв. Би гүнцэг сонгох гэж намбаганасангүй. Хамгийн эхэнд байснаар нь хонины махан шницель, "Кола"- тай захичихлаа. Харин Халиун үхрийн гол мах мөөгтэй, усан үзмийн шүүс сонгов. Хоолны дараа Халиун намайг гэртээ урилаа. Орцондоо тавхан айлтай тансаг сууцанд тэднийх байдаг, аав ээж нь гадаадад суудаг тул үеэл дүүтэйгээ хоёул амьдардгийг нь сая л мэдлээ. Бурхан минь, ёстой цэмцгэр айл юм. Нил цэнхэр өнгө голлон тохижуулсан зочны өрөөнийх нь буйдангийн өмнөх шилэн ширээ. Дээр нь тавиастай болор савтай ягаан сарнай шууд нүдэнд туслаа.
- Чи ягаан сарнайд дуртай юм уу? Хэн өгөө вэ? Найз залуу чинь үү? гэж би дүлий хүнтэй ярьж байгаа юм шиг чанга асуугаад буйдан дээр суун нөгөө цэцгийг үнэрлэв. Тийм шулуухнаар болдоггүй юм асуусандаа би сүүлд нь их харамсаж билээ. Халиун жижиг тавагтай самар авчирч тавиад суухдаа урт сормуусаа буулган харцанд нь гуниг тодроод ирэв. Тэгээд доод уруулаа хазсанаа хацар руугаа орж ирсэн үсээ илээд:
- Энхээ би чамд өөрийнхөө тухай илэн далангүй ярьчихуу. Дөнгөж танилцахад л чи надад нэг тийм ... итгэл даамаар охин шиг л санагдсан. Би ер нь багаасаа их ганцаардмал хүн л дээ. Одоо л гэхэд ингээд дөрвөн хананы дунд ганцаархнаа. Надтай хамт амьдардаг үеэл дүү маань гэртээ харихаар Дархан руу явчихсан. Ягаан сарнайн хувьд бол их урт яриа болно доо гээд шүүрс алдав.
Би чинь Голландад аав, ээжтэйгээ арваад жил амьдарсан айлын ганц охин. Аав Маастрихтэд сурч, дараа нь тэндээ ажилласан. Ангидаа би ганцаархнаа ази охин байлаа. Намайг тэнд Хэлли гэж дуудна. Би зөвхөн Сью гэдэг америк охинтой л үерхдэг байсан.
Уржнан юм л даа. Би и-мэйлээр Дөл гэдэг хүүтэй танилцсан юм. Нэгдүгээр сарын 10-нд төрсөн өдрөөрөө монгол оюутны вэб хуудсанаас нэг захидал уншиж яагаад ч юм хариу биччихлээ.
"Амьдарлыг олон талаас нь бясалгах дуртай. 18 настай монгол залуу мөрөөдлийн гүнжээ эрж байна. Тэгэхдээ төр барьж байсан монгол хатдын нэгийнх нь нэрийг таах, нас надаас хөгшин биш, яс угсаа монгол байх гэсэн гурван хатуу болзолтой. /Хатны нэр долоон үсэгтэй шүү/ Ингээд болзлыг биелүүлэх мөрөөдлийн гүнждээ энэхүү сарнайг барья" гэж англиар бичсэн захидал, ягаан сарнайтай байсан. Би хариуд нь "Төр барьж байсан хатныг Турьхан гэж таагаад өөрөөс чинь нэг насаар дүү мөрөөдлийн гүнжид нэр дэвшигч төрсөн өдрөөрөө ягаан сарнайг хүлээн авлаа" гэсэн захидал бичиж танилцсан. Интернетээр аль дүрсгүйтэхийг тэр гэхэв. Эхэндээ би ганцаардлаа хуваалцах гэж захидал бичдэг байснаа утсаар ярьж зургаа солилцсоноос хойш дандаа л түүнийг боддог болчихлоо. Нилээд бодлогошронгуй харцтай нүд нь их таалагдсан. Харин Дөлөө миний царайг зураг явуулахаас өмнө таасан гэж зүтгэдэгсэн. Зургаан сарын дотор бид хоёр бие биедээ үнэхээр хайртай болчихлоо.
Хавар нь би дунд сургуулиа төгсөөд хаана сурах талаар манайд бөөн яриа боллоо. Аав Парист намайг эхлээд коллежид элсүүлж дараа нь Сорбоннын их сургуульд сургах бодолтой байдаг. Харин би мөрөөдлийн хан хүүгийнхээ дэргэд Монголдоо сурмаар байдаг.

Би зүрх сэтгэлийнхээ нууцыг зөвхөн ээждээ л ярьсан байлаа. Ээж миний талд бат зогсч: Охин маань олон жил бидэнтэй гадаадад суулаа. Монголдоо очиж сураг. Хэл ахуйгаасаа ч их төсөөрөх нь гэсээр аавыг буулгаж авсан.

Буянт -Ухаа дээр намайг Дөл маань амьд ягаан сарнайн баглаа барьсаар угтсан юм. Байдгаараа догдлоод инээчихсэн зогсож байсныг нь мартахын аргагүй. Зургаадугаар сарын бороотой өдөр байсан. Би ирээд л Санхүү эдийн засгийн дээд сургуульд элсчихлээ. Дөлөө бол МУИС-ийн хэрэглээний математикийн нэгдүгээр курс төгсчихсөн байсан. Тоонд үнэхээр толгойтой доо. Би наадмаар гэрийнхэнтэй нь танилцлаа. Аав нь салчихсан болохоор ээж, жаахан дүүтэйгээ гурвуулаа амьдардаг байсан. Ээж нь дээд сургуулийн багш. Хүүтэйгээ адилхан нүдтэй. Намайг ямар хөөрхөн охин бэ? Миний хүүг яаж тоосон юм бол доо гээд л. Харин нэгдүгээр ангийн ДҮҮ нь:
- Та манай ахтай суух юм уу гэхэд нь үхтлээ ичиж Дөлөө:
- Очко миний дүү альбомоо аваад ир гэж намайг аварсан юм. Намар нь ээж ирж энэ байрыг тохижуулж өгөөд явахдаа: Чи миний охиныг халамжилж яваарай. Чамд эгч нь итгэж байна. Халиун миний газар дээрх ганц охин шүү гэж учирлах захихын хооронд хэлж хоёуланг минь үнсээд онгоцондоо суусан.

Бид хоёр яг хүүхэд шиг үерхэж байсан. Дөл компьютер засч, гэрээр тооны хичээл заагаад олсон мөнгөө тэнцүү хоёр хувааж хагасыг нь ээждээ өгнө. Үлдсэнийг нь надад зориулна. Сургалтын төлбөрөө ч өөрөө олдог байсан. Миний философийн шүүлэгт бэлтгэсээр байгаад бид хоёр оройтчихоод манайд нэг удаа хоносон юм. Намайг нэг үнсчихээд л зочны өрөөний буйдан дээр унтаж билээ. Би чамдаа жинхэнэ очир алмастай бөгж бэлэглэж сүй тавьчихаад хамт унтана. Бас хадаг тавьж охиныг нь гуйж байгаагаа Маастрихт руу ирээдүйн хадмууддаа интернетээр мэдэгддэг юм билүү гэнэ. Мэдээж бие биедээ хайртай хоёр залуу хүнд бол амаргүй л байна биз дээ. Тэр шөнө хоёр ч удаа миний өрөөний үүдэнд ирээд буцахыг нь би мэдсэн л дээ.
Сар бүрийн 10-нд бид хоёр танилцсан өдрөө тэмдэглэж "Виннерс"-т суугаад Дөл надад ягаан сарнай бэлэглэдэг байсан юм. Халиун яриагаа таслан:
- Чи юм уух уу? Миний энэ урт яриа залхууг чинь хүргэх шиг боллоо гэхэд энэ гайхам хайрын түүхэнд бүр автагдчихсан байсан би сэхээ орж:
- Зүгээр ээ харин ч сонин байна гээд ширээн дээрх ягаан сарнайг ширтэнгээ "Өнөөдөр чинь нээрээ 12 дугаар сарын 10 юм байна шүү дээ" гэж бодлоо.
Мартын наймнаар би ээжтэйгээ утсаар ярьж, баяр хүргэчихээд Дөлийнд очиж ээжид нь цэцэг, ноолууран цамц бэлэглэлээ. Тэр орой бид тавуул яг нэг гэр бүлийнхэн шиг үнэхээр сайхан байсан. Дөлийн дүү Оч надад зураг зурж бэлэглээд л. Нэг гэхэд ээж нь бага хүүгээ дагуулан нөгөө өрөөнд орж, бид хоёр хоёулхнаа үлджээ. Дөлөө намайг үнсээд үсийг минь илж - Ээжийг баярлуулсанд чинь их баярлалаа. Чамайг насаараа хайрлаж явна. Бүх насаараа шүү гээд хос хунгийн домог ярьж өгөөд хөгжим дуугаран эргэлддэг хунтай тоглоом бэлэглэсэн юм. Домог нь их гунигтай. ...Буудуулсан эм хунгийнхаа хойноос гашуудсан эр хун нь элгэн хад руу унаж үхдэг. Тэгээд надад:
- Халиун аа! Чи намайг хэрэв үхчих юм бол тэр хун шиг миний хойноос үхэж болохгүй шүү гэж захисан. Яг ирээдүйгээ мэдсэн юм шиг. Нэг жил хачин хурдан өнгөрсөн. Зургадугаар сард оюутны амралт эхэлсэн өдөр бид хоёр Сараагийн концертыг үзчихээд харих замд Дөлөө миний гараас атган:
Ийм гоё хуруунд Диана гүнжийнх шиг чамин бөгж зүүлгэх юмсан . Чамд амласнаараа хоёулаа сүй тавина. Одоо бол би чамайг үнсэх л эрхтэй гээд хоёулаа удаан үнсэлцсэн. Тэр өдөр юм бүхэн сүүлчийнх байсан ч үхэл гэдэг хүнд тийм ойрхон байдгийг би даанч мэдээгүй. Маргааш нь Дөл минь нэг найзынхаа машинаар гадаадын хэдэн жуулчинд үйлчлэх гэзд Тэрэлж явчихсан юм. Шөнө манайх руу ээж нь утасдаж зангирсан хоолойгоор: Халиун аа, миний охин шинэ гэмтлийн эмнэлэгт хүрээд ирээч. Дөл осолд орчихлоо. Чамайг дуудаад байна гэсэн... Би яаж эмнэлэг хүрснээ одоо ч санадаггүй. Үүдэнд нэг сувилагч цагаан нөмрөг өгснийг л санаж байна. Түүнийг нь мөрөндөө углаад л сэхээн амьдруулах тасаг руу эрчээрээ гүйсэн. Тэгсэн чинь...тэр минь орныхоо цагаан даавуунаас ч илүү цонхийгоод цайчихсан ухаангүй хэвтэж байсан. Өглөөхөн инээгээд амьдралын баяр баясгалан дүүрэн явсан тэр залуу гэхэд хэн ч итгэмээргүй.

-Дөл өө! гээд намайг уйлахад нүдээ нээж хөнжил доороос гараа арай ядан гаргаад миний үсийг илж:

-Чи миний төлөө ...урт удаан амьдарч ...намайг дурсч яваарай, нөгөө хунгийн домгоо санаж байна уу? миний мөрөөдлийн гүнж гээд л ухаан алдсан. Тэгээд л... тэр шөнийнхөө үүр гэгээрэх хүртэл үхэлтэй тэмцсэн дээ. Дөлийг нас барснаас хойш зургаан сар өнгөрчихөж. Эртүүд миний сууж байсан сандал дээр бид хоёр хичнээн оройг хамт өнгөрөөснийг мэдэхгүй. Тэр нохойн хошууны бут. Ж.Самбуу гуайн булш, намхан хайс бүгд л бид хоёрын хайрын гэрч. Ягаан сарнайд дуртай юм уу гэж чи асуусан. Тийм ээ дуртай. Хүний нутагт ганцаардаж явахад минь хайрын сайхныг амсуулаад од шиг харвачихсан түүний минь надад өгдөг байсан бэлэг. Одоо би сар бүрийн 10-нд өөртөө энэ цэцгийг авдаг юм гээд савтай цэцгийнхээ дэлбээнд аяархан хүрч: Өөр хүнийг би яг тийм хайраар хайрлаж чадах болов уу даа. Ямар ч гэсэн би монгол хүнтэй сууна гэж боддог шүү. Үхсэний хойноос үхдэггүй гэж манай монголчууд ярьдаг. Түүнийхээ алхаж явсан гудамжаар өдөр бүр явж Богд уулын мод ногоорох, шарлахыг үзнэ гэдэг сайхан. Тэгээд л би аав ээж рүүгээ яваагүй . Ер нь тэгээд ч Монголдоо амьдрах хичнээн сайхан гэдийг гадаадад байхдаа хүн илүү мэддэг байх. Би ирээдүйд НҮБ-д ажиллах сан гэж хүсдэг гээд гэнэт Халиуны хоолой зангирлаа. Цоргисон харцтай нүднээс нь нэгэн том нулимс тасран бөмбөрөх аж. ...ЁСТОЙ л мөрөөдлийн хайр байж дээ. Би ийм хайрыг үлгэр, кинонд л байдаг гэж боддог байлаа. Халиунаа чи харин ч их азтай охин юм. Ийм сайхан хайр амссан чинь надад бол үнэхээр атаархмаар л санагдаж байна шүү гээд би тавагнаас самар атган авч амандаа хийгээд санаа алдчихав. Халиун нэг самар авснаа:

- Энхээ чи оройтчихлоо. Би чамайг гаргаж өгье дөө, гээд босов. Энэ үеэр хүзүүндээ зүүсэн утас нь нэг жингэнээд таг болчихлоо.

- Чиний утас ямар тансаг эд вэ? Ийм утастай болчмхвол би утаа гартал нь ярина даа гэж намайг дуу алдахад

Халиун инээмсэглэн: - Чи хөгжилтэй охин юм аа. Миний үеэл Золоо над шиг битүү хүн болохоор бид хоёр өрөөндөө ороод л таг болчихдог улс. Жаахан уйтгартай шүү. За хоёулаа гаръя гэхэд нь би:

- Та хоёр тэгээд ерөөсөө унтаагүй гэж үү? гэж асуух гэснээ амаа барив. Үүнээс хойш бид хоёр ёстой салшгүй найзууд боллоо. Халиуны нөлөөгөөр би гэдэг хүн номын хорхойтон болж хувираад Ж.Жойс, А.Камью, С.Моэм гээд том том зохиолчдын фен боллоо. Англи хэлэнд нөгөө нойл амьтан чинь ангидаа толгой цохих болж, Карл Поппер, Жон Локкийн номуудыг эх хэлээр нь уншчихлаа. Энэ охинтой танилцсанаас хойш өөрийн мэдэлгүй өмнөө зорилготой, ирээдүйдээ санаа зовдог хүн болж "томоожиж" байлаа. Би гэдэг хүн. Миний зүгээс гэвэл өөр шигээ үймээн шуугианд дуртай найз охидоо дагуулан тэднийд очиж хөргөгчийг нь "цэвэрлэж" өгнө дөө. Нэг өдөр бид хоёр тэднийд цайлж суулаа. Нөгөө хайртай хунтай тоглоомоо оролдож суусан Халиун гэнэт:

-Энхээ чи наад уснаасаа балга даа. Аан хаан төвөнх чинь их хөдөлж байна. Чиний бамбай булчирхай томорчихож. Эмчид заавал үзүүлээрэй гэлээ. Орой энэ мэдээг ээжид дуулгаснаар би гэдэг хүн маргааш нь гэхэд "баривчлагдаж" эмнэлэгт хэвтчихлээ. Зуны амралт эхэлчихсэн болохоор найзууддаа ч хэлж амжсангүй. Арав хоног эм тарианд бөмбөгдүүлсээр "Шим тэжээлтэй, иодын найрлага ихтэй хоол идэж, тайван амгалан байх заавартай эмнэлгээс гарлаа. За ингээд эрх чөлөөтэй боллоо гэхэд минь ээж:

-Шоронд орсон амьтан шиг юм ярих нь ээ. За ёстой чамайг нэг хэсэг яаж гэрт тогтоодог юм билээ гэсээр машинд суув. Таксигаар ийн харих замд аав:

-Миний охины найз Халиунааг аав, ээж нь дуудаад хэд хоногийн өмнө явчихсан шүү дээ. Чамтай уулзаж амжсангүй гэж их л санаа зовж байна лээ. Захидал, бэлэг нь гэрт бий. Аав нь чамайг эмчилгээтэй байгаа болохоор хэлээгүй юм гэж пал хийтэл хэлдэг байгаа. Гэртээ иртэл миний дэрний хажууд цэнхэр туузаар уясан жижигхэн хайрцаг хүлээж байлаа. Туузны завсар хавчуулсан зурваст

"Энхээ! Чамайг энэ захидлыг уншиж байхад би Парист сууж байна. Ээж, аав хоёр намайг тэнд сургуульд оруулахаар болсон. Гар утсаа чамд дурсгал болгон үлдээе. Чамд таалагддаг байсан шүү дээ. Би өдөр бүр и-мэйл бичнэ ээ. Халиун" гэжээ. Хайрцагнаас мөнгөн гинжин оосортой гялалзсан жижигхэн "Мotorolla" утас гарч ирлээ. Бас камертай гээч. Бид хоёр хэзээ уулзах бол доо гэж би бодож суув.

-Аниа эмнэлэгээс гараа юу гэж миний дүү Тулгын дуу үүдэнд хадаж бодлын шувуудыг минь үргээчихлээ. Маргааш. нь надад Халиунаагаас "Энхээ, англи хэлээ улам сайжруулаад бас франц хэл сурч эхлээрэй. Хоёулаа Сорбоннд хамт сурна шүү гэсэн! захидал ирүүлсэн байлаа. Бас ягаан сарнайтай."

Шүлэгийн мөртүүд...

2010-09-12T21:38:00.000-07:00

Намрын шувууд чамайг минь аваад яьчих вий гэхээс би айдаг

Навчисаа гөвөх модод чамд минь дуралчих вий гэхээс би айдаг

Чамд өгсөн хайр минь дундарчих вий гэхээс айдаг

Нарт ертөнцөд чамаасаа хагацах вий гэхээс айдаг

* * *

Анхы цасны ширхэг болж чинийхээ алган дээр буумаар

Амтат дарстай хундага болж чинийхээ уруулд хүрмээр

Атгахан зүрхээ баярлуулж чамтайгаа хамт баймаар

* * *

Гараас чинь тавьмааргүй байна хөтлөе

Сэтгэлээс чинь явмааргүй байна хайрлая

Дэргэдээс чинь холдмооргүй байна тэврье

Чамайгаа алдмааргүй байна үнсье

* * *

Хүнээс авсан хайрыг шагнал гэж бод

Хүнд өгсөн хайрыг шаналал гэж бод

Олон дурласан сэтгэлийг дон гэж бод

Орчин үеийн хайрыг мөнгө гэж бод

* * *

Хайртай гэснийг чинь тоогоогүйд уучлаарай

Харанхуй шөнө хүлээлгэсэнд уучлаарай

Мэндийн зөрөөгүй өнгөрөөсөнд уучлаарай

Мессеж бичээгүй удсанд уучлаарай

* * *

Инээхээрээ чи хөөрхөн гэдгээ мэдэх үү

Эгэлхэн зүрхэнд минь хайрлуулж явдаг аа мэдэх үү

Эмзэглэхээрээ чи эгдүүтэй гэдгээ мэдэх үү

Энэ хорвоод ганцхан минийх гэдгээ мэдэх үү

* * *

Сэтгэлийн үгийг дамжуулж хүргэдэг

Шидэт шувуухай байдаг ч болоосой

Ариун нандин хайрынхаа тухай

Амжиж түүгээр хэлүүлэх юмсан

Хоног хугацаа өнгөрөх тусам

Хонгор чамайг санаад байна

Удахгүй уулзана гэж төсөөлөвч

Учрах өдөр тохиохгүй нь

Хайртай гэж хэлэхгүй ч

Хайрлахгүй байж чадахгүй нь

Үргэлж зүрхэнд үгүйлэгдээд

Өдөр бүр сэтгэлд бодогдоод байна

Шүлэгийн мөртүүд...

2010-09-07T22:49:00.000-07:00

нэг шинэхэн танилаас маань ийм мөртүүд ирээд надад таалагдаж байна.
* * *
Харлачих вий зvрх нь гэж би шимшрэнэ
Алдарчих вий итгэл нь гэж би хичээнэ
Хєрчих вий сэтгэл нь гэж би зовнино
Хайртай гэж хэлэхээ мартахгvй юм шvv чамдаа
* * *
Чамайгаа харах гэж тосдог байсан замаараа
Чамтайгаа хvvгээ хєтлєлцєєд алхах би жаргалтай
Энэ замын эхлэл чиний минь хайранд бий
Эцэс тєгсгєл нь харин миний зvрхэнд бий
Би чамдаа хайртай
* * *
Анхлан чамайг харсан тэр мєчид
Анхны харцаар дурладагт итгэлээ
Ахиад уулзах болов уу гэж
Асуунгуй харцаар горьдоход минь
Ялдамхан инээмсэглэл чинь
Яруу хайрын бэлэг болсон
Тэнгэрлэг хайрыг наддаа єгсєн
Тэртээх єдрvvд сэтгэлд минь хоногшин vлджээ
Одоо дэргэд минь байхгvй ч
Орчлон хорвоод би гунихгvй ээ
Одод хvртэл гэрч болон vлдсэн
Орь залуу насны минь хайр
Омголон зvрхийг минь хєгєлсєн
Эгшиг байсан юм уу даа чи

Vнэрээр чинь би мэдэрнэ
Vнсэлтээр цааш vргэлжилнэ
Vл тасрах илэлтээр шатна
Vзэсгэлэн гоог чинь би харна
Vнэн сэтгэлийнхээ угаас би
Vргэлж чамтайгаа л хамт гэж
Vvрдийн жаргалдаа мансуурч
Vнэн vгээ чихэнд чинь л шивнэе
Чамайг харахгvй л бол
Сэтгэл минь ємрєєд байна
Инээмсэглэх дvр чинь л vгvй бол
Элэг зvрх минь эмтрээд байна
Эелдэгхэн хоолой чинь сонсогдохгvй бол
Энэ амьдралыг би vзэн ядаж байна
Эвлэгхэн гарыг чинь атгахгvйгээр
Энхрийхэн хацрыг чинь vнсэхгvйгээр
Эгэл дvрийг чинь харахгvйгээр
Энэ хорвоод би амьдарч чадахгvй нь ээ
Хоосон vгээр худлаа хэлэхгvй ээ
Онцолж хэлэх
Олноос илvvд
Онцгойлох юм
Чамд минь vгvй ч
Чамаас єєр дvр надад сонин биш
Чи л надад хамгаас сайхан
Чамд л ганцхан би ХАЙРТАЙ
* * *
Миний амьдардаг газар нар сар 2-ын голд оршдог
Миний амьдардаг газар навчит дэлхийн цээжинд оршдог
Миний амьдардаг газар соёл иргэншлийн төвд оршдогMinii amidardag gazar soyol ergenshiliin tuvd orshidog Minii amidardag gazar saihan hotiin maani tend orshidog

Миний жаргалтай үрийг хар аа!!!

2010-09-05T22:44:00.000-07:00

жаргалтай инээдэг үр шүү

ээждээ мундаг эрх гэж яана!!!!

шал хөдөөний хургачин хүү байгаа биз

Бас зургаа авхуулах дуртай гэж байгаа. поз авалт сайтай гэж...

Хэн нэгнийг санах ямар хэцүү хэрэг вэ??

2010-05-05T08:00:00.000-07:00

Дуучин Баясгалангийн "Цэрэг эрийн гэрийн дуу" гэж гоё дуу байдаг юм байна. Сүүлийн үед энэ дууны улаан фен нь болоод байгаа. Яг л надад зориулсан юм шиг санагдлаа. Ууг нь бол дээр үеийн дуу юм байна. Дээр үеийн хүүхнүүд надтай адилхан сэтгэлдээ хөндүүртэй байсан болов уу гэж бодлоо.
Заримдаа уйлмаарч юм шиг, заримдаа хашгирмаар ч юм шиг, заримдаа гунигтай ч юм шиг хоног тоолон хүлээнэ гэдэг хэн бүхний хүсээд байх зүйл биш бололтой.
Гэхдээ нөгөө талаар хүлээх хүнтэй, санах хүнтэй байна гэдэг жаргалтай ч юм шиг. Харин зүрх үнэхээр тэсэхийн аргагүй өвдөж байна. Маш их бүр хэлэхийн аргагүй дэндүү ихээр өвдөж байна. Ямарч их ажилтай байсан, ямар ч их завгүй байсан гэлээ хайртай хүнээ үгүйлэхгүй, санахгүй, бодохгүй мөч гэж үгүй байх юм. Хайр хүнээс ийм их тэвчээр шаардаж хайранд ийм их хүлээцтэй байх хэрэгтэй гэж санасангүй. Харж дурлаад зөрж өнгөрөнгүүтээ мартдаг шиг байдгүй л юм байна. Энэ нь л байдлаараа хайр нь дурлалаасаа ялгардал бололтой.
Хайртай ханыхаа хөлд нь сөхөрч суугаад эрхэлмээр, хүзүүгээр тас тэврээд тунирхаж уйлмаар санагдажийнэ. Орой гэртээ хариад хоолоо хийгээд ханыгаа ажлаасаа ирэхийг нь хүлээгээд хэрвээ удаад байвал утасруу нь залгамаар байна. Хамтдаа дэлгүүр ороод хөөрхөн хүүдээ юу авах уу гэж асуумаар байна. Дэлгүүр орсон ч, ажил хйисэн ч зурагт үзсэн ч юу ч хийсэн бай зөвхөн хань минь л бодогдоод байхын.
9 сар гэдэг ямар урт удаан хугацаа вэ? ганцаараа өнчин тогоруу шиг, орой ажиаас тараад очиход тосох хүн ч байхгүй сэтгэл эзгүйрээд гэр хоосон санагдаад би гэдэг хүн тэсдэг л байгаа даа.

Монгол ардын аман бодлого

2010-03-15T19:38:00.000-07:00

Бодлого 1:
Ерэнтэй өвгөний 99 хүү, 99 хүүгийн ер ерэн хүү,
Ер ерэн хүүгийн ес есөн хүү, ес есөн хүүгийн
гурав гурван хүү, гурав гурван хүүгийн хоёр
хоёр хүү, хоёр хоёр хүүгийн нэг нэг хүү
нийлээд хэд болох вэ.

Бодлого 2:
Зэрэгцээ 22 нүхэнд 2 үнэг, 20 огтоно нэг
нэгээрээ ороод 1-ээс эхлээн тоолоход
долоо дугаарт таарсан бүхэн гарч нүхээ бөглөж
тоглоё гэж 2 үнэг хэлэхэд бүгд огтоно зөвшөөрөв.
Зальт үнэг долдугаарт таарахгүй үлдэж бүх
огтоныг идэхийн тулд хэддүгээр нүхэнд байх ёстой вэ?

Бодлого 3:
Ганц охин хурга зусагнаасаа эхлэн дандаа охин хурга гаргав. Энэ ганц хурга 10 жилийн дараа хэд болж өсөх вэ?

"Монгол суу ухаан" сониноос...... Бодоод хариугаа сэтгэгдэлд үлдээнэ үү.

Зүйр үг...

2010-03-09T17:41:00.000-08:00

* * *
Идсэн эрүү хувхайрч
Идүүлсэн бут ургадаг
* * *

Надад ирсэн зарим таалагдсан мэндчилгээ

2010-03-08T16:54:00.000-08:00

Busgui ta baihgui bol
Buleen golomt zevhii daaj
Buten amidral hagas bolj
Uudam horvoo uitan sanagdaj
Uls Mongol mini onchroh bus uu?

Az jargaliin amin tulhuur
Achlal hairiin ariun undarga
Husel setgeliin nandin erdene
Hui ertontsiin gerel gegee –

Erhemseg busgui tanid Olon ulsiin
emegteichuudin bayariin mendiig devshuulj, az jargal,
od hiimori, eruul enh, sain saihan buhniig husiye…
* * *
Өргөн монголын хатан гоо
Өнөр бүлийн эзэн гоо
Бүүвэй аялах уян гоо
Бүхнийг шаглах уран гоо
Эрийг чимэх саран гоо
Энхрий аальтай бүсгүй гоо
Эрхэмсэг тансаг хатан гоо
Энгүй орчлонгийн эхрэм бүсгүй танд олон улсын эмэгтэйчүүдийн баярын мэнд хүргэе. Сайхан баярлаарай
* * *
Нулимсаа хүртэл биднээс нууж явдаг ээжийнхээ
Нуурын ус шиг тунгалаг хайрийг нь дээдэлж яваарай
Нуур хүртэл шувуудаа хүлээн эзгүйрэхдэг энэ хорвоод
Нүглийн дундах ганц бурхан ЭЭЖИЙГЭЭ хайрлаж яваарай
* * *
Эрийн түшиг-гэрийн чимэг
Төрлийн язгуур-төрийн тулгуур болсон
Эрхэмсэг Монголжингоо эхчүүд Эмэгтэйчүүддээ ирж буй “МАРТЫН 8”-ны Баярын мэндийг хүргэе. Дэлхий бүүвэйлсэн ээжээрээ бахархая Дэргэд түшсэн ханиараа бахархая Энхрий ялдам охидоороо гоёцгоое
* * *
Бурхад ч хараад дурлам Монголын минь сайхан бүсгүйчүүд
Булиглах зүрхийг минь эзэмдэгч Монголын минь үзэсгэлэнт эмэгтэйчүүд
Үрийнхээ өмнөөс үхэхэд ч бэлэн Монголын минь зоригт ээжүүд
Үнэнчээр нэгнийг дурлаж хайрладаг Монголын минь халамжит эхнэрүүд
Хамаг монголын хатад
Халуун сэтгэлийн шүтээн та бүхэндээ Мартын 8 мэнд хүргэе!!!
* * *
Болор толь шиг тунгалаг
Болсон жимс шиг амтлаг
Бүсгүй танд баярын мэнд хүргэе!
Амьдрал тань цэгц сайхан
Сэтгэл тань баясгалантай сайхан
Санаа тань бахдам сайхан байг!

International Women's Day

2010-03-04T17:45:00.000-08:00

Бүсгүй минь толинд харахдаа ч инээмсэглэж байгаарай
Бүдэрч унасан чулуугаа хараад ч инээмсэглэж яваарай Бүсгүй минь Ертөнцийн юм бүхэн чиний төлөө хөдөлж байдаг
Ерөөлгүй энэ чулуу чамайг ухаажиг гэж замд хөндлөн хэвтэнэ
Тэртээх зуунд дайчин эрс чиний л төлөө бүлээн цусаа урсгаж
Тэмүүжин хаан чамайг амгалан байг гэж энэ улс гүрнийг байгуулж
Чиний үзэсгэлэн гуаг тунхаглаж олон зураачид бүтээлээ мөнхөлж
Чамайг уяраах гэж олон найрагчид шүлгээ урладаг
Хатуу хорвоог хайраар зөөллөж
Халамжит ханиа үгээр аргаддаг мянга мянган бүсгүйчүүддээ Олон эмэгтэйчүүдийн баярын мэнд хүргье.
Зовлон даах гэж бүсгүй хүн танхил төрдөг юм
Зоргоороо амьдрах гэж бүсгүй хүн гоёмсог төрдөг юм
Зовсон нэгнийгээ жаргаах гэж бүсгүй хүн уяхан төрдөг юм
Зол жаргалтай амьдрах гэж бүсгүй хүн ихэмсэг төрдөг юм

Set your future free

2010-03-01T16:55:00.000-08:00

Би өнгөрсөн хагас сайн өдөр Raffles International Institute дээр очиж сонирхолтой лекцэнд суусан юм. Дээрх үг нь тус инстутын уриа юм байна. Тэнд миний сонссон хамгийн сонирхолтой лекц self-managing institute-ын багш Дашдаваа гэдэг хүний "Self-managing career plan" лекц байлаа. Та:
Self control
Self managing
Self Confident
Self respect
Self evident
Self criticism
Self Self contribute
Self realization
Self Sufficient
Self Support
Self suggestion
Self acting
Self made
Self determined
гэсэн зарчмууд гэх юм уу даа эдгээрийг баримтлан, цаг хугацааны эзэн байж чадвал та амжилтанд хүрч чадах юм байна. Лектор маань лекцэндээ хүн бүрт цаг хугацаа ижил байдаг. Та бидэнд 24 цаг өгөөд алдар цуутай мэргэн ухаантай хүмүүст (Жш нь: Чингис, Гёте гм.) 25 цаг өгөөгүй байдаг гэсэн. 78 цагт 22 цагийн бүтээмжтэй ажиллах уу 22 цагт 78 цагийн бүтээмжтэй ажиллах уу гэдэг таний л мэдэх хэрэг.
Дэлхийн дээр амьдарч байгаа 6 тэр бум хүн ердөө дөрөвхэн зүйлийн төлөө амьдардаг гэнэ.
1. Knowledge freedom
2. Finance freedom
3. Time freedom
4. Mind freedom
Мөн цаг хугацаа бүр эзэнтэй байдаг юм байна. Та дунджаар 60 насалсан гэвэл, таны амьдрах 60 жилийн -
20 жилийг та унтаж
5 жилийг 00-д
5 жилийг унаа машинд
20 жилийг ажил эсвэл сургууль
5 жилийг найзуудтайгаа уулзаж ярилцахад зарцуулагддаг бол
үлдсэн 5 жил нь таньд үлдэж байгаа цаг хугацаа гэнэ. Энэ хугацааг та яаж ашиглах нь таны эрх чөлөө, Үнэхээр сонирхолтой лекц байсан.

Бачимдмаар юм...

2010-02-28T18:01:00.000-08:00

Хэнтий Хангай Саяны өндөр сайхан нуруунууд
Хойд зүгийн чимэг болсон ойн хөвчийн уулнууд
Мэнэн шарга номины өргөн их талууд
Өмнө зүгийн манлай болсон элсэн манхан далайнууд
Энэ бол Миний төрсөн нутаг
Монголын сайхан орон гэдэгсэн уул нь.
Гэтэл одоо хятадын сайхан монгол гэх болж байгаа юм биш байгаа даа гэж айдас төрөөд байх юм.
Морин хуураа илжгэн хуур нэрээр хятадад алдсан, Хөөмийгөө бас боож үхэх гэж байгаа ямаа шиг туригүй хоолойтой хятадуудад алдсан. Үндэсний хувцасаа бас л алдах дээрээ тулаад байгаа. Тэгтэл энэ жилийн цагаан сараар түрүүлсэн бөхийг маань бас л хятадууд манай бөх яллаа гэж баярласандаа найр наадам хийсэн сурагтай. Хаашаа л харна Хятад, юу л сонсоно хятад, галзуурмаар юм.
Гэтэл би өнөө өглөө бүр ч хачин мэдээ ТВ9 телевтзээр үзлээ. Яасан гэсэн..
Дорноговь аймагт хамаг хөрсийг нь сэндийчин Монголын хамаг баялагийг үнэгүй шахуу зөөж байгаа хужаа нарын байрны түрээсийн төлбөрийг төр чөлөөлсөн гэнэ. Тэр чөлөөлсөн төлбөр нь нийт 6 тэр бум төгрөг болох юм байна. Тэр мэдээг үзээд бид арай Хятад хүмүүсийг Төрийн толгойдоо анзааралгүй сонгосон юм биш байгаа даа гэж бодлоо. Хийж байгаа үйлдэл, явуулж байгаа бодлогоос нь харвал яах аргагүй л Хятад санаа гараад байгаа юм даа. Харамсалтай нь Дорноговь аймгийн аль суманд гэлээ тэр байрны түрээснээс чөлөөлөгдсөн хятадуудын байгаа суманд одоо болтол өндөр хүчдэлийн шугам татагдаагүй бөгөөд гэрэл цахилгаангүй сум юм байна. Тэр өндөр хүчдэлийн шугамыг татахад 1 тэр бум төгрөг хангалттай юм гэсэн. Хятадуудад бэлэглээд байгаа тэр 6 тэр бумаас 1 тэр бумаар нь тэр сумын ард иргэдийг тогтой болгоод үлдсэн 5 тэр бумаар нь өөр эх орондоо хэрэгтэй зйүл хийж болмоор санагдахын.. Тэгдэггүй л юм байх даа. Үнэхээр тэсэхэд бэрх хүмүүс юмаа манай томчууд. Эх орныхоо төлөө гэж юу боддог бол. . Хийх нь байг гэхэд бодол нь ядаж байдаггүй л хүмүүс бололтой. Үгүй бол тэртээ тэргүй Монголын газар шорооноос тоо томшгүйгээр хөрөнгөжиж байгаа хужаа нарт өгч байгаа тэр мөнгөөр Улаанбаатарын хэдэн айл өрх ядаж 1 өрөө байртай болж хорт утаанаас багасгах бол. Мэдэх юм , ойлгох юм улам л алга болоод байхын. Мөдхөн Утаатайгаа хамт замхраад алга болчихвий дээ хайртай эх орон минь. Үнэхээр аймшиг....

Хайртай ханьдаа төрсөн өдрийн мэнд хүргэе!!

2010-02-18T00:04:00.001-08:00

Өнөөдөр 2 дугаар сарын 18, миний ханийн төрсөн өдөр. Чамдаа төрсөн өдрийн мэнд хүргэе гээд хацар дээр нь үнсмээр байгаа боловч даанч чи минь надаас дэндүү хол байна. Чамайгаа ирэхлээр үгүйлсэн өдөр хоногийнхоо тоогоор хацар дээр чинь үнсэж нөхий.
Чамайгаа хайрласан хайр минь ирэх хаврын цэцэг болон дэлгэрч, чамайгаа үгүйлсэн сэтгэл минь ирэх зуны бороо болон орог. Тэр цагт чи минь наддаа хүрээд ирнэ.
Чамдаа ирэх хаврын цэцэгсийг итгэл дүүрэн хайрынхаа хамт бэлэглий. Миний хань үүргээ сайн гүйцэтгээд эх орондоо амжилтаар дүүрэн эргээд ирээрэй.

Эрчүүдээ хүн чанар чинь хайчаа вээ....

2010-02-16T23:59:00.000-08:00

Уул шиг нөмөртэй
Ус шиг зөөлөн гэж эрчүүдийг тодорхойлдог юм билээ.
Гэтэл зарим эрчүүд тийм биш юм. Нөгөө айл гэрийн ноён нуруу, улс орны түшиг тулгуур гэж гайхуулах дуртай зарим эрчүүд маань сүүлийн үед нэг л ухаан мөчид ухамсар богино сул дорой загинаад байна уу даа гэмээр байх юм.
Эр хүнд итгэхээр
Эрхий хуруундаа итгэ гэдэг
Эмэгтэй хүний эрхий хуруунд ч хүрэхгүй зарим эрчүүд минь өөрсдийнгөө тунгааж 1 бодож үзээч. Яагаад хариуцлагаас зугтаж, хар амиа хичээн хүний харцнаас дальдчин гөлөн гөлөн айж явнав. Гайхуулах болохоороо Чингисийн үр сад, удам угсаа гэж цээжээ дэлддэг хэрнээ, яагаад жинхэнэ Монгол эр хүн шиг шудрага, зарчимч, тууштай байхгүй байгаа юм. Бас болоогүй хүүхэн хүн шиг хүний мууд дурладаг тулга тойрсон ахархан бодолтой эрчүүд олон болсон бололтой. Болиоч ээ..таминь ээ !
Эр хүн шиг зоригтой шийдэмгий байгаач . Айлийн охинд хань болох юм бол болсон шиг болж, хүүхэддээ аав шиг нь аав байгаач дээ. Эмэгтэйчүүд эрчүүдийн тоглоом юм гэж үү. Зүгээр л нэг өдөр цоорохлээр нь шинээр солиод өмсчихдөг оймс юм уу. Амьдралыг чинь авч явах хос баганын 1 биш билүү. Эрчүүд минь эмэгтэй хүнийг гомдоовол ээжийгээ гомдоосноос ялгаагүй шүү. Та эмэгтэй хүнийг хэр их гомдоож, зүрхэнд нь шарх үлдээнэ та төдийн хэмжээгээр зовно гэдгээ ойлгоорой.
Ялангуяа бүсгүйчүүдийг "алаагүй байхад үнэг сайхан аваагүй байхад авгай сайхан" гэдэг шиг уран үгээр донгодож найрчаад жирэмсэн болгоод хаяад явдаг эрчүүдэд зориулж байгаа юм.
Эрчүүдээ өмөөрсөн шүлэг хүртэл байдаг юм билээ би харин эмэгтэйчүүдээ өмөөрч ганцхан удаа хэдхэн үг хэллээ. Гэхдээ зарим эрчүүд шүү дээ, зарим нь ч хүн чанартайгаа үлдсэн байна лээ.

Манай ангийхан, гоё шүү... 10-н жил

2010-02-10T02:00:00.000-08:00

Энд 2002 онд Дундговь аймгийн гавъяат багш Өлзийн нэрэмжит Математикийн Гүнзгийрүүлсэн Сургалттай сургуулийг төгссөн Эрдэнэчимэг багштай 10б ангийн хамт олон байна. Бодоод байсан чинь манай анги нийтэч үнэхээр сайхан хамт олон байсан шүү. Ангийхныгаа заримдаа зөндөө их санадаг шүү. Энэ зургийг харсан чинь бүгд жоохон царайтай хөөрхөн санагдаад. Гэхдээ би мартамхай болсон бололтой. Уул нь 28уулаа төгссөн санагдаад байхын гэтэл надад 26 хүүхдийн л нэр санаанд ороод болдгүй ээ.

Манай ангийхан гэвэл:

Банзрагч, Баярмаа, Болормаа.М, Болормаа.С, Гантогос, Даваадорж, Давааням, Должинсүрэн, Жавхлан, Мөнхбаатар, Мөнхбаяр, Мөнхсоёл, Номинзул, Отгонрагчаа, Сайнбилэг, Сумъяасүрэн, Сүхбаатар, Сэрдамба, Түвшин-Эрдэнэ, Ууганцэцэг, Цолмонтуяа, Энхбайгал, Энхжаргал, Энхцэцэг, Эрдэнэбилэг,Эрдэнэ-Очир нар байна даа.

Ямартаа ч та нартаа хайртай шүү.. Бүгдэд нь амжилт.

Удахгүй Валентины өдөр болохнээ...,

2010-02-05T01:29:00.000-08:00

Зүйр үг...

2010-02-03T16:39:00.001-08:00

* * *
Жаргалтай газар хүн тогтдоггүй
Ногоотой газар мал тогтдоггүй.
* * *

Зүйр үг...

2010-02-01T18:25:00.001-08:00

* * *
Амьд хүний гэрч болохоор, үхсэн хүний дэр бол
* * *

Зүйр үг...

2010-02-01T00:01:00.000-08:00

* * *
Ноён сөрвөл толгойгүй
Нохой сөрвөл хормойгүй...
* * *

Энхийг сахиулагч аа гэж..

2010-01-26T18:07:00.000-08:00

Миний нөхөр энхийг сахиулагч НҮБ-ын цэрэг хүн. Бас л үүргээ гүйцэтгэхээр Африк тивийг зорьсон. Хүний нутагт, дэлхийд эх орноо төлөөлөн алба хааж яваа гэж бодохоор бахархмаар сайхан ч ард нь үлдсэн эхнэр, үр хүүхэд нь ямар их сэтгэлийн тэвчээртэй хүлээдэг юм дээ. Өдөр бүр тэрнийг минь эрүүл энх, сайн сайхан явуулж эх оронд нь ирүүлээрэй гэж залбирцгаана. Надтай адилхан олон эхнэрүүд нөхрөө санаж, миний хүүтэй адилхан олон аавын хүү охид аавыгаа үгүйлэн ирэх хоногийг аль явсан эхний өдрөөс эхлэн тоолж эхэлсэн байх. Хань минь яваад 67 хоножийнэ, дахиад хамгийн багадаа л гэхэд 211 хоног дутуу байна. Өдөр бүр гадаад мэдээ алгасалгүй үзнэ, магадгүй ханийн минь байгаа газрын тухай мэдээ гарах ч юм билүү. Эх орондоо байгаа бид яах вэ эрх чөлөөтэй их л бодож нөхрөө саналаа гэхэд өөр бас бус зүйлээр өөрийгөө сатааруулж болох л байх. Гэтэл хүний нутагт хатуу чанга дэг журманд баригдан нойртой нойргүй, хоолтой хоолгүй хэдэн сарыг өнгөрөөж яваа шүү дээ. Харин эх орноо төлөөлөн яваад ирсэн хүмүүстээ төр засаг жаахан зөөлөн хандмаар санагдана.
Хүнд нөхцөлд алба хаасных нь төлөө НҮБ-ээс зохих хэмжээний мөнгө өгдөг. Тэрийг нь Батлан хамгаалах яамруу шилжүүлдэг бололтой. Гэтэл тэр мөнгөнийх нь 40%-ийг татвар болгоод авчих юм. Миний бодлоор хүн амын албан орлогын 10%-ийн татварыг нь аваад бусдыг нь хүмүүстээ өгмөөр санагдах юм. Үгүй ээ ядаж 20% биш шүү. Ард иргэдийнхээ амьдралыг сайжруулна бүгдий нь байртай болгоно гэдэг хэрнээ өөрийнхөө хүч хөдөлмөрөөр олж ирсэн мөнгийг татаас таталгүй олгож болдоггүй юм болов уу. Зүгээр сууж байгаад мөнгө гуйгаагүй ш дээ. Одоо үед тэр өндөр үнэтэй байрнуудаас авч дийлэх хүн үнэндээ алга байна ш дээ. Та бүхэн цэргийн газар ажилдаг хүмүүс танидаг бол мэдэж л байгаа байх ихэнх нь гэр хороололд үгүй бол аав ээжтэйгээ амьдарцгааж байгаа. Ард үлдсэн эхнэр хүүхдүүд нь нөхрөө эзгүйд бүгд гэр хороололд галтай галгүй сууж байгаа шүү дээ. Үнэхээр л ард иргэдээ сайхан амьдруулахыг чин сэтгэлээсээ боддог бол ядаж өөрсдийнх нь олсон мөнгийг өөрсдөд нь бүрэн олгоосой. Та санал нийлж байвал сэтгэгдэл үлдээгээрэй.

Хөөрхөн нохой байна

2009-10-06T18:48:00.000-07:00

biirbeh.mn-ээс ийм хөөрхөн нохойны зураг оллоо. "Банхар" шүлэгний зураг юм байна. Би яаг ийм монгол банхарын зулзага авах юмсан гэж бодоод даанч чадахгүй бас хайх зав гарахгүй яваал байгаа юм. Дээр висдавкагын хажууд ийм гөлөг зарна гэж байсан авий гэж маш их бодсон боловч даанч тэр үед мөнгөгүй явж байж таараад ёстой харамсалтай. Жинхэнэ монгол нохой зардаг газар байвал хэлж өгөөрэй. Сүүлийн үеийн хачин хачин үлдэрийн нохойнууд гэсэн нохой гэхээсээ илүү оготонын зулзага шиг санагдаад тэд нар гэр манахаасаа илүү өөрсдийгөө мануулдаг болуу гэмээр харагддаг юм.

Дөрвөн нүдтэй халтар байвал бүүр сайн. Гэхдээ сүүлнийх нь үзүүр цагаан биш шүү.

Гарчиггүй

2009-08-24T01:57:00.000-07:00

Тэнгэрээс шүрсэн "Од" юм хайрт минь
Тэнгисээс шүүрдсэн "Сувд" юм үр минь
Тэг дунд нь ургах "Цэцэг" юм би
Тиймээ энэ бол чи бидэн гурав юм.

* * *
Хайрт минь чи Наран юм
Харин би Саран юм
Хонгор үр минь Солонго юм
Хорвоог гэрэлтүүлэх нэгэн гэр бүл энэ юм.

Манай Өнөрөө найз ийм нэг гого шүлэг явуулаад

2009-05-28T00:21:00.000-07:00

Даарч байна уу гэж түүнээс битгий асуу
Дахиад хэзээ уулзах вэ гэж түүнийг бүү сандарга
Дан цамц, туяахан бэлхүүсээр нь тэвэр
Дандаа хамт шүү гэж чихэнд нь шивнэ

Шивнэх үгсийн чинь дулаанд тэр даарахгүй
Шиврэх бороо ч түүнд хүйтэн санагдахгүй
Ширтэх харцнаас чинь гал олж харвал
Шинэхэн өглөө бүрийг чамтай угтаж чадна.

Харин өчүүхэн ч гэсэн эргэлзээ чамд эзэмдвэл
Харуй бүрийгээс өмнө гэрт нь хүргээд буцаарай
Хайртай гэдэг үгийг цухуйлгаад ч хэрэггүй
Хайлган сэтгэл нь хөрчихвөл буцааж өрдөхөд хэцүү

Хэзээ ч юм түүнтэй учрах хайрыг бүү сэвтээ
Хэрэггүй үгэнд булагдсан сэтгэл нь нээгдэхгүй
Хэний ч юм үнэнч сэтгэлд итгэхгүй
Хэнз цэцэг шиг болгоно чи түүнийг.

Хүмүүс ээ.. гэж!

2009-05-07T00:05:00.000-07:00

Хөөрхий энэ хүмүүс, бие биендээ зүрх зүсэм гашуун үг хэлж, бие биенээ үгээр давах гэж үгэн дайн хийж байхын оронд эргэцүүлээд 1 бодоод үздэг ч бодоосой. Зөөлөн нь хатуугаа иднэ гэж .. сүүлд нь харамсаж явахын оронд түрүүлээд ганц удаа яагааб уучлалт гуйчихаж чаддаггүй юм бол. Та чухам хэнд ямар үг хэлж гомдоосон талаар бодож үзсэн үү? таны санаанд юм орж ирж байна уу. Тэгвэл хамгийн хурдан холбоо барьж болох аргыг сонгоод тэр хүнээсээ уучлалт гуйгаарай. Та сэтгэлдээ хорвоогийн аль муу үгсээр үгийн сангаа баяжуулж, хэлээ хурцалж суухын оронд яагаад эсрэгээр нь байж болку гэж.
Тийм аймар үг хүнд хэлчээд бүтэн нойртой хонож чадаж байна уу? би л хувьдаа сэтгэл түгшээд хамаг бие арзайгаад чаддаггүй юм даг. Та уурласан байж болно, дургүй чинь хүрсэн байж болно, үзэн яддаг байж болно.. тэглээ гээд хүний сэтгэлд том хар толбо үлдээж болно гэж үү. Үг гэдэг чинь хүнийг үнэхээр алдаг ч юм байна, авардаг ч юм байна.
Надад хэн нэгнээс тааламжгүй үг сонсож байснаас таагуу зүйлийн тухай болсон явдлын тухай сонссон минь хавигүй дээр санагддаг. Гэтэл зарим нэг хүмүүс хазааргүй морь шиг байхын. За тэгээд ер нь хүмүүсийн өөрийнх нь мэдэх хэрэг дээ. Би энд түм хашгираад яахав.
Тиймээ?

ааааааааааааааа.....................

2009-04-08T19:08:00.000-07:00

хөөеээ блоктоо бичлэг нэмэх юумсаан...

Уйланхай бяцхан одой

2009-02-04T02:02:00.000-08:00

Шинэ жил болох нээ

2008-12-16T19:14:00.000-08:00

Шинэ жил болно гэсэн гоё ч юм шиг. хүүхэд шиг хөөрөөд нэг л хүлээлтийн байдалтай болчихлоо. Ингэхлээр зарим нэг хүн намайг шоолж магадгүй л юм. Гэхдээ хүн болгоны сэтгэл тийм л байгаа байх гэдэгт эргэлзэхгүй байна. Миний бяцхан ангаахайн цэцэрлэгийх нь шинэ жил удахгүй болно гэнэ. "7 одой ба цасан гуа"-ийн 7 одойн хамгийн жижиг одой нь болж байгаа гэсэн. хөөрхөн гэж яана. Хүүгээ улаан малгай нөмрөгтэйгээр төсөөлсөн чинь хөөрхөн санагдаа, нэг л нэвсийсэн амьтан явах байх даа, миний хүү чинь бас хамгийн эгдүүтэй хамгийн өхөөрдөм одой нь болсон байгаа биз. Дараа ямар одой болсон талаар зургий нь тавихаар харна биз.

Миний нутаг

2008-10-30T18:11:00.000-07:00

Наашаа нутаг
Их талын цаанаас салхи намсаж наашилна
Ив дарсан харанхуйг шингэлж сар наашилна
Тэнгэрийн элгэнд үүргэлсэн уул эвшээж наашилна
Тэмтрэгдэхийн чинээгээр ойртон нутаг минь наашилна
Өнөөдөр шүлэг уншмаар ч юм шиг тэгээд biirbeh.mn-ээр хэсүүчилж яваад ийм нэг шүлэг оллоо. Нутагруугаа явж ээждээ үндсүүлэхсэн гэсэн далдхан хүслийг минь дэврээж орхидог шүлэг байна. Ээжийн тухай шүлэг их цөөхөн байдаг юм байна. Харин Н.Оюун-Эрдэнийн "Ээждээ" гэж сайхан шүлэг байна.
"Ээждээ"
Дулимагхан би нэгэнтээ гишгэхэд
Духанд тань нэг үрчлээс нэмэгддэг гэж үү ээжээ
Дундуурхан сэтгэлдээн би шаналахад
Дутуу нойртой хонодог юм уу ээж минь
Дугтуй захиа явуулахад
Дуу шуутай суудаг юм гэнэ үү миний ээж
Дуу аялан алхахад минь
Дундуур сэтгэл тань дүүрдэг юм уу ээжээ
Тэгвэл хүү чинь яг одоо залгая
Тэртээд суугаа ээж таньдаа мэндчилье
Тэнийлгэж тавьсан цаасан дээр
Тэвхийсэн хуруугаан зураад би явуулья

Оюун-Эрдэнийн бас ийм 1 шүлэг байна даа.

Бүүвэйн дууны тань аялгуунд нойрсоод сэрэхдээ охин тань
Бяцхан нүднийхээн буланд ээжийгээн хайж бүлтэгнэсээн
Хоёр гуравхаан гишгэлээд хөлд орохдоон охин тань
Хоёр алгыг тань бараадаад тэнтэр тунтар алхалсаан

Бүлтгэр хөөрхөн нүдэндээн таныгаан олж харахгүй болохоор
Байдаг хоолойгоон гаргаад уйлдаг байсан охин тань
Тэнтэр тунтар алхахдаан танаасаан хол байвал
Тэнцэж чадахгүй ойчоод, орилдог байсаан охин тань

Бага ангийн багш шиг минь бага багаар үелүүлж
Бичиж хэдэнтэй сурсаан бяцхан үрстэйгээн ээж минь
Бүлээрч өвдөөд орилоход нь бага эмч шиг чагнаад
Бас өөрөөн өвдөж сэтгэлээн хэдэнтээ чилээсээн

Чихэндээн ээмэг зүүхээр чимх эрдэм зүү гэж
Чамаас хэн ч булаахгүй, чиний л ганцхан өмч эрдэм гэж
Нойронд өөрийгөөн өлгийдхөөр номонд өлгийд гэж
Насан балчир үрстээн насаараан сургаж өсгөсөөн

Өөрөөн эдлээгүй гоёлоороон охин намайгаан гоёж
Өтлөхдөөн харин охиноороо өөрийгөөн гоёсон ээжийнхээн
Өтөл буурал насыг нь хуваалцахсандаа охин тань
Өвтгөж сүлсэн өргөсийг нь сугалаад нэг хаяхсаан

Хоёр бумбагар хөхийг тань үлгэж өсөхдөөн охин тань
Хайрын дулаан илчийг хамаг биедээн шингээсээн
Хөтөлж таниасаан зүүгдсээр хүн болсон охин тань
Хайртай ээж таныгаан сэтгэлдээн зүүгээстэй торнисоон

Хайрын халуун өлгийнд бойжсон болохоор охин тань
Хамаг сэтгэлээрээн ээжийгээн харамлаж дотроон хайрлана
Хайртай ээжийг минь хазлах шумуулыг ч би өршөөхгүй
Хатан зүрхийг нь шаналгахыг хэнд ч би зөвшөөрөхгүй

Хүйтэн салхиа холуур үлээгээч гэж хөх тэнгэрээс охин тань гуйна
Хайрга чулуу бүү тээглүүлээч гэж хөрст дэлхийд би залбирна
Хайртай ээжийнхээн өмнөөс галд ороо гэвэл харин
Хормын төдийхэн ч эргэлзэхгүй үсрээд охин тань орно оо

Одоогийн нийгмээ гэж.....

2008-10-06T02:19:00.000-07:00

Хааяа нэг гудмаар алхаж явахад согтуу хүмүүс их хараглах юм. Эрэгтэй эмэгтэй гэлтгүй гуйваж дайваад яасан муухай харагддаг гээч. Аймаар ч юм шиг, зүгээр хажуугаар зөрчихгүй заавал нэг юм хэлнэ, хараана, зүхнэ. За архичид яахав тэгдэг л юм байгаа биз, идэх хоолгүй байж архиар хоол хийж ямаа хүмүүсийг хохино гэхээс өөр юу гэхэв. Гэтэл бас тэнэмэл гуйлгачин хүмүүс олонтаа таарна. жижигхэн жижигхэн хүүхдүүд ахаа 100 төгрөг хайрлаач, эгчээ 100 төгрөг хайрлаач гээд гүйнэ. Бүр нялх хүүхдээ тэврээд гуйлга гуйхыг нь яана. Тэр хүүхдийг гуйлга гуйхдаа ашиглах гэж төрүүлсэн гэлтэй. Хүний хорвоод төрөөд юугаа ч мэдэхгүй балчир амьтан тэр машины дуу чимээ, хүмүүсийн хөлийн тоосон дунд тайван унтаж чадна гэж үү. Тийм хүүхдийг харахлээр өөрийн эрхгүй зүрх зүсэгдэх шиг болж нэг хэсэгтээ л сэтгэл хямран элдвийг бодно. Манай томчууд УБЗ дугаартай гялалзсан хар машинаасаа буугаад тэгээд нэг алхаад үзээсэй. Нэг удаа төв шуудангийн урдуур их дэлгүүр орохоор алхаж явсан 5,6 орчим насны хүүхэд ой дөнгөж хүрсэн бололтой дөнгөж хөл орж байгаа охинтой хамт гуйлга гуйгаад сууж байна. Тэгсэн миний хажуугаар 1 эмэгтэй өнгөрөөд нөгөө жаахан охиныг "миний муу халтар охин" гээд тэврээд авч байх юм. тэр эмэгтэй бүдүүн гэж охиных нь туранхай гэж "Цагаан сар ба хар нулимс" дохиолд гардаг Дагдангийн эхнэрийн таргалсан Цэвэлмаа бүсгүйн турсан 2 яаг тэнцэнэ гэдэгтэй адилтгаж үзмээр. Ээжээ... тэр ээж охиноо яах гэж төрүүлсэн болоо.
Ер нь л гадуур жаахан алхаад үзвэл нилээн л юм үзэх байх даа. Сэтгэл эмзэглээд эмзэглээд жаахан удаан алхвал дөжрөөд тоохоо байхаар шүү. За тэгээд мөнгө цагаан нүд улаан гэж.. хаа явсан газар барилга барих гээд хашаа татчихсан. Хамаг мод бутыг нь суга татаа хаячихсан бурхан шашин гээд яваад байдаггүй ч газар нутаг уул усандаа шүтэж явдаг над мэтийн хүний уур хүрэхээр. Дээрээс нь хараад байхад залуучууд өндөр боловсрол, өндөр мэдлэг олох гэж өндөр хөгжилтэй оронд очих нь их юм. Өөрийгөө хөгжүүлээд өндөр мэдлэгтэй, чадварлаг боловсон хүчин болоод ирвэл сайн л биз. явсан нь ирэх сонирхолгүй яваагүй нь гарах сонирхолтой байдаг бололтой. Гадаадад байдаг найзуудаасаа хэзээ ирэх гэж байна гэж асуухаар тэгж байгаад очно доо л гэцгээх юм. Монгол орон минь уул нь дээд тэнгэрээс бидэнд бэлгэлсэн энхжингийн орон мэт санагдана.

Амьддаа бие биенээ хайрла!!!

2008-09-22T03:22:00.000-07:00

Од харвахтай адил гялсхийн өнгөрөх энэ амьдралд бие биенээсээ илүү гарах гэж бие биедээ атаархан хэн нэгэнд нөгөөгөө муулж эсвэл аашилж байх хэнд хэрэгтэй юм бол. Адилхан үхсний дараа ясаа ч авч явж чадалгүй хорвоог орхих бишүү. Хэн нэгэнд мундаг байсных нь төлөө бурхан илүү хандаж ядаж ясыг нь өгдөг бол сайн л хэрэг. Харамсалтай нь тийм биш юм. Хэн нэгнийг гомдоолгүй, гомдоосон бол уучлалт гуйж байх хэрэгтэй. Би хүнд зандарсан хандлагатай үг хэлэх дургүй, дургүй ч гэж зориг хүрдэгүй юм. Магадгүй би тэр хүний сэтгэлд зэвүүцэл төрүүлчихвий гэхээс айдаг. Саяхан нэг ах маань надад тэгж хэлсэн "Хүний амьдралд юу ч тохиолдож мэднэ, Магадгүй би чамайг өнөөдөр гомдоогоод уучлалт гуйж амжаагүй байхад чи маргааш үхчихвэл юу болох вэ гэсэн" Мэдээж үлдсэн хүн үсээ зулгаагаад хэлээ 1000 хазаад нэмэр болно гэж үү.
Би ойрдоо хайртай ханийгаа маш их гомдоож байгаа. Буруу эрхлээд дандаа сэтгэлд нь үл нийцэх үг хэлсэн. Яагаад гэдгийг мэдэхгүй зүгээр эрхэлмээр санагдаад яагаа ч үгүй байхад нь өөрөө дэмий юм ярьж уурлуулаал, тэгсэн хэрнээ өөрөө түрүүлж уучлалт гуйхгүй байж түрүүлж бууж өгөхгүй гэж гүрийгээл, муу шүү. Одоо ирэхлээр нь уучлалт гуйнаа. Дахин тийм олон долоон дэмий үг хэлэхгүй юм шүү. "Удаан ханилах хүнд уйдах үгийг бүү хэл" гэсийн. Аз болоход хань минь харин тэвчээртэй бас ухаантай дээрээс нь тайван уужуу дотортой хүн юм даа. Үрийн минь эцэг амьдралын минь түшиг болсон бүхнээс илүү хүндлэн дээдэлж явдаг хүнээ олон гомдоогоод байвал нэг л өдөр яваад өгөх ч юм билүү, хэн мэдлээ. Айдас төрчихлөө... Ганц хань ч биш бусад хүмүүс ч гэсэн надад бас би тэдэнд гомдох үг битгий хэлээсэй.

Сайн уу блог минь.

2008-08-27T18:15:00.000-07:00

За хө сүүлийн бичлэгээс хойш хичнээн ч удсан юм дээ. 6 сарын 11-ээс хойш 2 сар гаран, бараг 3 сар болох дөхөж. Энэ хооронд их олон үйл явдал болж өнгөрчээ.
1. Сонгууль
2. 7 сарын 1-ний үймээн
3. Наадам
4. Хүүгээ авч ирсэн. Нээрээ хүүгээ санаад яг үхэх шахсан байна лээ. Миний хүү ч гэсэн ээжийгээ санаад бүүр хачин болчихсон байсан.
5. Олимп
6. Алт авсан за барагдахгүй олон үйл явдал болж.
Би гэхдээ дээрх үйл явдлуудын зарим нэгийн тухай бичихийг хүсэхгүй байна. Бичээд ч яах юм билээ. Манайхан туулширдгаараа туулшраад эхлээд дайн гарлаа гэсэн дараа нь алт авлаа гээд Алтны үнэ цэнэ бууртал их яриж байна. Энхбаяр гуайн төлгөнд 2 алт 2 мөнгө авна гэж буусан л гэнэ. Ноён ерөнхийлөгч дээрээ очиж ируудүйгээ шинжүүлдэг юм билүү гэж бодоол суужийна.
За энэ ч яахав миний хувийн амьдралд бас олон юм болсон байна. Ерөнхийдөө жаахан нүүдэл суудлын байдалтай л зуныг өнгөрөөх шив дээ. Нээрээ миний ширээн дээр байдаг кактус минь хатаад үхэх дөхөж. Өнөөдөр 1 усаллаа хөөрхийг. Одооноос идэвхитэй амьдрал эхлэх нь дээ гэж.

Явсан нохой яс зуунаа гэж....

2008-06-11T18:56:00.000-07:00

Амьдрал гэдэг амаргүй давааг давна гэдэг.... Түрүүний нийгэмд их сайхан байсан гэж ярьдаг чухам ямар байсныг мэдэх юм алга. Харин одоо бол миний хувьд бүх нээлттэй юм шиг хэрнээ боогдмол байх юм. Хаана л очно юу л хийнэ заавал 1 бэрхшээлтэй тулгарж, хөөцөлдөж явсан ажил маань түр саатахад хүрнэ. Танилтай бол талын чинээ гэж хэрвээ би танил талтай бол бүх юм нээлттэй ганц утасдаад л бүх юм “ок”. Жишээ нь: үл хөдлөх хөрөнгийн бүртгэл дээр газраа үл хөдлөх хөрөнгийн бүртгэлд оруулий гэвэл эхлээд ноён ерөнхий сайдын тушаалийг газрын албанд танилүй бол 3 сар хүлээж байж авна, танилтай бол 1 сар хүлээнэ. Тэгж гэмээнэ үл хөдлөх хөрөнгийнхөн таны хүсэлтийг хүлээн аваад 14 хоногийн дараа таны эд хөрөнгийг жихнэнэ утгаар нь хөрөнгө болгоно. Үгүй бол хэрвээ та үл хөдлөх хөрөнгийн бүртгэл дээр танидаг хүнтэй бол ноён сайдын тушаал энэ тэр ч хэрэггүй зүгээр л бүх бичиг баримтаа хүргэж өгөөд л бүх юм 7-14 хоногийн дотор жин тан. Сүүлийн үед өөрийн гэсэн өргөөтэй болох гэж тэнэг юм шиг ийш тийшээ явж юм гэдэг нилээн нарийн байдгыг мэдэж авлаа.
Нийгмээ дагаад хүний мөс гэдэг үгүй болсон юм болов уу гэтэл бас ч зарим нэгд нь хүн чанар гээч юм үлдээд тэр нь зулгаадаг бололтой. Олон газраар явж олон албан байгууллагын хаалгыг татаж олон хүнтэй уулзаж учирсаны хүчинд нааштай хандлагатай сайхан сэтгэлтэй хүмүүстэй их л таарлаа. Хүмүүс бас ч ухамсартай байдаг юм байна.
Гэтэл зарим 1 явуургүй зан гаргадаг ч хүн байх л юм. Мэдээж шүү дээ олон хүн сайнтай муутай. Магадгүй тухайн хүний ухамсарын хэм хэмжээнээс шалтгаалах байх л даа. Хэнд ямар үгийг ямар хандлагыг ямар үед гаргах вэ гэдгийг л мэдэж байх хэрэгтэй юм шиг. Би тэр тал дээрээ өөрөө ямар вэ гэдгээ сайн мэдэхгүй байгаа ч бас хичээгээд байгаа, хүн чанартайгаа үлдчихмээр байна ш дээ уул нь. Өвөө маань хэлэхдээ “хүн өөрийнхөө ямарыг мэдэж байна гэдэг ухаантай байгаагын шинж, буруугаа өөрөө ухамсарлаж байна гэдэг ухаалаг байгаагых өөрөө өөрийгөө хянаж сурах хэрэгтэй тийм л хүн байх хэрэгтэй” гэсэн одоо бодохнээ үнэн үг аж. Юу гэж л миний өвөө худал үг хэлэх вэ дээ. Хайртай өвөөгөө ч мөн ч их санаж байна даа. Тэр явуургүй зантай шолчигонуур хүмүүс хүний толгой дээрх өвсрүү гүйж байхаар өөрийнхөө толгой дээрх тэмээгээ буулгачихаасай..
Ингээд цааш нь яваад байвал нилээн юм үзэж сонсох шинжтэй. Настай хүмүүс хэрсүү ухаантай бас бүх юмыг зөв бодож хийдэг нь аргагүй л юм. Амьдралын их сургуулийг улаан дипломтой төгсөх гэж байгаа юм чинь мундаг байх нь аргагүй юм.
Амьдрал үргэлжилж байгаа цагт би, бид явсаар... том жижиг, махтай махгүй олон яс цуглуулах байх даа хөөрхий гэж..,

Хүүгээ санасан сэтгэл...

2008-06-04T06:04:00.000-07:00

Яана даа хөөрхий..! би гэдэг хүн хүүгээ хөдөө ээжрүүгээ явуулаад 10 хонож байна. Хайртай үрээ ямар их санаж байна гээч., хэлэх ч юм биш, сая хүүгийнхээ талаар асуух гэж ээжтэйгээ ярьсан чинь миний хүү хоолоо идэж байна гэсэн, хоол идэж байгаа нь ямар эгдүүтэй гээч, хөөрхөн жижигхэн ам нь тэрүүхэн тэндээ бувтаганаад их өхөөрдмөөр харагддагсан. Миний хүү далайн байцаанд ямар дуртай гээч, орой ээжийгээ ирэнгүүт л хөрөгчрүү заагаад далай байцаа авч идээд санаа амарсан бололтой эрхлээд явдагсан. гаргаж өгөхгүй бол уурлана.., Бас өглөө босонгуутаа бас л хөргөгчрүү гараа заагаад идэх юм нэхнэ. ямар ч гэсэн өлсөж болохгүй гэдгийг сайн мэдээд байх шиг байгаа юм хэхэхэ.. Эрх гэж жигтэйхэн, орой ээжийгээ ажлаа тараад очиход санасан бололтой гараа тосоод өөдөөс ирнэ. Нээрээ миний хүү гомдохлээрээ аав ээж 2луугаа байн байн хараад ирж авахыг нь хүлээгээд уйлаад хэвтчихэнэ. очиж авахаас нааш дуугүй болно гэж харин ч байхгүй дээ. Муу хүүгээ ямар их санаж байнаа.. хүү дээрээ хурдан очих юмсан. Аав нь их санаж байгаа бололтой хүүгээ байн байн яриал.. арга ч үгүй биз дээ надтай мэдээж адилхан байлгүй яахав над шиг үглэж яншихгүй л байгаа болохоос. Хүн гэдэг сонин юм түрүүнд нь хүүхэдгүй байх даа яаж болж байсныг мэдэх юм алга. Хүүхэд гэхээр л яршигтай санагддаг байсан бол одоо тийм биш миний хүү л дэргэд минь байж тоглож, наадаж, эрхэлж байвал хамгийн сайхан бас хамгийн жаргалтай.Хүүгээ үнсэхгүй байна гэдэг хамгийн том шийтгэл мэт санагдана. Аргаа барахдаа хүүгийнхээ зурагтай ярьж зургийг нь үнсэж байхав дээ. Ээж нь хүүдээ удахгүй очноо, миний сайн сууж байгаарай. ээж нь хүүдээ хамгийн дуртай далайн байцаа, кальцитай сүү 2ыг нь аваад очно. миний бурхан үр ээждээ ханатлаа эрхлээрэй. Ээж нь ч гэсэн хүүгээ ханатлаа эрхлүүж, энхрийлнэ. Ээж нь хүүдээ маш их хайртай.

Бидний бахархал

2008-05-12T19:20:00.000-07:00

Би гэдэг хүн эмээ өвөө 2 дээрээ эрхэлж өссөн нэгэн. Ээжийн маань хамгийн бага 2 дүүтэй нь бас хамт байна. Тэр 2 эгч маань хичээл хийнэ гэдгийг ч үзүүлээд өгдөг хүмүүс байлаа. 2 эгч маань 2уулаа МУИС-ийн Физикийн ангид элсэн орж амжилттай суралцаж 2уулаа л ангидаа номер 1т нь явдаг байлаа. Том эгч маань улсын олитпиадад оролцож 3т хүртэл орж байсан билээ. 2уулаа л аймгийнхаа физик, математикийн олимпиадад түрүүлж улсад явдаг гайхалтай сурлага сайтай хүмүүс. Алтны дэргэдэх гууль шарлана гэж 2 эгчигээ дагаж миний үеэл бас 1 эгч бид 2 физикээр хичээллэж олимпиадад оролцдог байлаа. Аймагт бас 2уулаа түрүүлж байсан. Үеэл эгч маань бас л МУИС-ийн Физикийн анги төгсөөд аймагтаа очиж физикийн багш болсон. Тэр эгч маань энэ жил Улсын физикийн олимпиадаас Мөнгөн медаль авч. Яагаад ч юм би тэр баярын хуралд очоод эгчдээ баяр хүргээд цэцэг өгч байхдаа эгчээрээ бахархах сэтгэл төрж тийм том амжилтад хүргэх замыг нээж өгсөн эгч нартаа үеэл эгчийнхээ өмнөөс маш их баярласан. Эгч нараа бас хайрласан.
Хэрвээ өвөө эмээ 2 минь байсан бол яасан их баярлаж байх бол.. болдогсон бол тэр 2тоо дуулгах юмсан.
Эгээдээ баяр хүргэе. Өшөө илүү амжилт гаргаж дараа жил алт авах болтугай

Монголын анхны SURFING BUSINESS сайт

2008-05-05T20:54:00.000-07:00

Интернэт, компютер ашиглан сард 80$ олмоор байна уу.

Та бүртгүүлэхдээ урьсан хүний нэр дээр sumbaa гэж бичээрэй...

1.Би яаж элсэх вэ?
-Та http://www.8x8.mn/?ref=sumbaa гэсэн цэсэн дээр дарж бүртгүүлэхэд л болно.

2.Элсэж ороход ямар төлбөр төлөх вэ?
-Та ямар ч төлбөр төлөхгүйгээр бүртгүүлнэ.

3.Программаа яаж татаж авч суулгах вэ?
-Бүртгүүлсэний дараа өөрийн бүртгүүлсэн хэрэглэгчийн нэр, нууц үгээ оруулахад таны интернет дахь office нээгдcэнээр татаж авах цэс итвэхитэй болсоноор программаа татаж авна.

4.Яаж ажилладаг вэ?
-Та программаа суулгаж дуусахад таны компьютерийн доод талд зарын самбар гарч ирэх ба мөн таны онооны гүйлт, элсүүлсэн хүмүүсийн тоо зэрэг мэдээллүүд гарч ирнэ.

5.Урамшууллаа яаж авах вэ?
-Та заавал ямар нэгэн харилцах данстай байх шаардлагатай ба бүртгүүлэхдээ өөрийн харилцдаг банкны нэр, дансны дугаар, регистерийн дугаар, овог нэрээ зөв оруулсан байх шаардлагатай.Ингэснээр таны урамшуулал таны дансанд шууд орох болно.

6.Би заавал хүн элсүүлэх шаардлагатай юу?
-Та заавал хүн элсүүлэх шаардлагагүй ба та өөрийнхөө цуглуулсан оноогоор мөнгө олох боломжтой.Харин та хүн элсүүлбэл доод 3 түвшин буюу таны урьсан хүн, урьсан хүний урьсан хүн, мөн түүний урьсан хүмүүсийн онооноос танд хувь бодогдон таны оноон дээр нэмэгдэн орж ирэх тул та хүн элсүүлж тэд мөн оноогоо явуулах нь танд ашигтай ба та хүн элсүүлэхийн тулд ямар ч төлбөр төлөхгүйгээрээ онцлогтой.

7.Энд элсэж орох нь надад ямар ашигтай вэ?
-Та энд элсэж орсноороо интернет ашиглаж байхдаа л мөнгө олох боломж бүрдэхээс гадна зар сурталчилгааг үнэгүй үзэх боломжтой болж байгаа юм.

8.Сарфинг бизнес гэж юу вэ?
-Энэ нь та тодорхой нэг өгөгдөл дээр (жишээ нь 8x8.mn-ийн зар сурталчилгааг үзэнгээ оноо цуглуулах) ажиллан мөнгө олж болдог,

4. Би оруулсан хувийн мэдээлэлээ дахин өөрчилөх боломж байгаа юу?
Таны оруулсан мэдээлэл харилцдаг банкны нэр, дансны дугаар, регистерийн дугаар, овог нэр тань дахин өөрчилөгдөхгүй !!! Өөрийн дансруу нэвтрэх нууц дугаар, майл хаяг, утасны дугаар өөрчилөгдөж болно.

5. Техникийн vзvvлэлт ямар байх вэ?
Программ нь бvх vйлдэлийн систем дээр ажиллах ба таны компютертаас ямар нэгэн техникийн vзvvлэлт шаардахгvй бeгeeд Macromedia FlashPlayer программ байх шаардлагатай

6. Миний банкны дансны дугаар болон Paypal хаяг юунд хэрэглэгдэх вэ?
Энэ мэдээлэл нь зeвхeн таны тeлбeрийг явуулхад хэрэглэгдэх бeгeeд таны бусад хувийн мэдээлэл зeвхeн компаний архивт vлдэх болно. олон нийттэд компаний гэрээг зeрчинсeeс бусад тохиолдолд мэдээлэхгvй болно.

7.Би eeрийн бизнес vйлчилгээгээ сурталчилуулах болон хамтран ажиллах сонирхолтой бол хаана хандах вэ?
Та vйлчилгээний нeхцeл болон vнийн саналыг зeвхeн майл хаягаараа хvлээн авна. харилцах майл: batsukh.kh@gmail.com, mobile: +976-91-908809

8.Би Монголоос eeр улсаас ажиллаж болох уу?
Та дэлхийн аль ч eнцeгeeс, ямар ч улсаас ажиллаж болно. тeлбeрийг PayPal, Westren Union, Moneygram болон бусад олон улсын гуйвуулгын хэрэгсэлээр явуулах болно. жич: Дамжуулагч vйлчилгээны шимтгэлийг таны цуглуулсан онооноос суутгана

9. Та бүртгүүлж байх яьцад чинь урьсан хүн гэсэн хэсэг байгаа тэнд та sumbaa гэж бичээрэй. Таньд амжилт хүсье

Туршилт

2008-04-30T21:27:00.001-07:00

Би цэцэг

2008-04-30T20:44:00.000-07:00

Амраг хосуудын хайрын бэлгэдэл
Анхилуун улаан сарнай шүү би
Аав ээждээ эрхлэн өссөн
Ар Монголын охин шүү би

Хагацлын нулимсанд норох дургүй
Хаврын ягаан цэцэг шүү би
Хайрын дуу аялах дуртай
Халх Монголын охин шүү би

Шанхан талдаа намилзан байдаг
Шаргал наран цэцэг шүү би
Шиврээ бороонд алхах дуртай
Шинэ Монголын охин шүү би

Цайлган сэтгэлдээ итгэл өврөлсөн
Цагаан-Уул цэцэг шүү би
Цаашаа гээд чамайг ч түлхэх
Цамаан зантай охин шүү би

http:\\www.biirbeh.com-оос иим нэгэн шүлэг оллоо. Зохиогч нь Дэлгэрцэцэг гэнэ.

Хайрлахгүй байхын аргагүй хань минь..

2008-04-28T02:45:00.000-07:00

Эгэл жирийн төрхөнд чинь би татагдсан
Энгийн хэрнээ ухаалаг үгэнд чинь би уярсан
Эр хүний намбатай хүнлэг сэтгэлд чинь би дуралсан
Эгцлээд ширтэхээр тулгарчихдаг харцанд чинь би хайлсан
Энэ бүхний цогц болохоор ганцхан чамайг л би хайралсан.

Өөртөө л итгэ

2008-04-22T02:18:00.000-07:00

Магтаалын үгэнд бардаад яахав
Үнэн үгэнд хонзогноод яахав
Худалч хүнд хууртаад яахав
Хуурамч хүмүүст гомдоод яахав
Залхуу хүнд найдаад яахав
Замбараагүй явдалд үнэмшээд яахав
Амалсан бүхэнд итгээд яахав
Алдсан юманд харамсаад яахав
Арван хуруу тэгш биш дээ
Алдаа оноогоо эргэцүүлж бодно биз
Шударга үнэнийг олоход бэрх дээ
Шулуухан хэлэхэд өөртөө л итгээрэй

Хавар ирлээ...

2008-04-17T19:16:00.000-07:00

Гадаа дулаахан ямар гоё байна гээч. Өглөө ажилдаа ирж явсан чинь сааданд ургасан модны дор нялх ногоо гарсан байсан тэгээд блогтоо хаварын урь оруулж дэлхийн хамгийн гоё хамгийн сайхан чимэг болох цэцэгний зураг оруулахаар шийдлээ.

Яргуйн дэлбээг зөөлөн бүүвэйлсэн
Яасан сайхан намуухан үдэш вэ
Яахын аргагүй хайрыг булаасан
Ямар хүний үр вэ чи
дуу аялмаар ч юм шиг сэтгэлд хөнгөн гуниг төрөөд явчих чинь.

Ялдам салхи хацар илбэн сэтгэл сэрээж
Ялдам охид улам ч үзэсгэлэнтэйгээр мишээцгээн гэрэл түгээж
Ялдам харцыг тосон авах бусдын сэтгэлд дулаан оч харваад
Ялдам юм аа хавар ,чи
Яагаад ч юм гэнэт тэнгэр бүрхээд салхи зогсож
Яагаад ч юм охид харцаа буруулан одох шиг
Яагаад ч юм нар будангуйрч тэнгэр уйтгарлаад
Яагаад ч юм хачин юмаа хавар , чи.

http://biirbeh.com-оос ийм нэгэн шүлэг оллоо.

Чамдаа би хайргүй байхын аргагүй

2008-04-15T02:21:00.000-07:00

Уул бууралтахад ухаарч хамт байлаа
Урийн шувууд ирэхэд ганганаж хамт байлаа
Найр хайрын дунд уярч хамт байлаа
Нас насын хөлд улирч хамт байлаа
Чамдаа би хайргүй байхын аргагүй

Өвөг дээдсээ нутаглуулахад уйлж хамт байлаа
Өлгий жингэ хоёр оёход инээж хамт байлаа
Үүр нарны ээлжинд үргэлж хамт байлаа
Үхэхгүй юм шиг ургаж хамт байлаа
Чамдаа би хайргүй байхын аргагүй

Он жилүүдийн урсгалд элж хамт байлаа
Од харваж унахад эрж хамт байлаа
Дэргэд чинь байгаа төртөө зүүдэлж хамт байлаа
Дээлийнхээ бага энгэрт багтаж хамт байлаа
Чамдаа би хайргүй байхын аргагүй .

Дэлхий бөөрөнхий гэж,,,

2008-04-14T18:47:00.000-07:00

Хорвоо дэлхий уужим
Хийх ажил их гэж ...бас бөөрөнхий гэж байгаа.
Хүүхэд байхад ямар жаргалтай байгаа вэ гэж сүүлийн үед бодогдох боллоо. Нөгөө "гурван настай болоосой гутахыг мэдэхгүй явахсан" гэдэг л тэр байх даа. Яг өөрөө амьдрал дээр гараад ирсэн хийх нээрээ их байдаг юм байна.
Жаргалтай өдөр гэж байхаас жаргалтай амьдрал гэж байдаггүй гэсэн үнэн бололтой.
Сайхан амьдралд хүрэхийн тулд их л хичээх хэрэгтэй юм байна. Санаж явбал бүтнэ сажилж явбал хүрнэ гээд нэгэн сайхан нартай өдөр сайхан амьдралд хүрнэ дээ гэж аажуухан урсгалаараа явахын оронд тэрнийхээ төлөө тэмцэж, 13,4 мэхээ бүгдийг хэрэглэн хичээх хэрэгтэй байдаг юм байна. Эмээ маань үргэлж л ирсэн хоногийг өнгөрөөж ирээгүй хоногийг хүлээж амьдрана гэдэг бүтэлгүй хүний зан амьдралаа сөрж амьдарч бай гэдэг байж билээ. Эмээгийн минь үг ямар ч хууль цаазаас илүү үнэтэй үнэн бас бодит үгсэнж. магадгүй дэлхий бөөрөнхий болохоор ямарваа нэг юманд сайн муу 2 тал ч бэрхшээл тулгарлаа гээд бүдрээд уначихалгүй л байх хэрэгтэй. Хүн гэдэг амьтан хэдий ухаантай ч гэлээ алдах үе зөндөө л байлгүй яахав тэгэхдээ алдаанаасаа зориг орж алдаанаасаа суралцаж өөрөө өөрийхөө төлөө хичээх хэрэгтэй.
Аравхан алхаад амссан зовлон чинь
Ахиад алхахад мартагдана
Анд минь урагшаа...

Би эх хүн

2008-04-06T18:10:00.000-07:00

Өнөөдөр ямар сайхан өдөр вэ? гадаа дулаахан нартай байна. Миний сэтгэл дотор ч мөн адил сүүлийн үед жаахан бүрхэг зэврүүн ч юм шиг байсан бол өнөөдөр үүл арилж нар гарсан сайхан өдөр байна. Яагаад гээч, өнөөдөр миний хүүгийн төрсөн өдөр. Би гэдэг хүн энэ өдөр ээж болсон. Эх хүн гэдэг сайхан бас бахархмаар ч юм шиг тийм гэж үгээр хэлэх аргагүй алдрыг хүртсэн өдөр. Миний хань хээр явчихсан тэгээд өглөө хамгийн түрүүнд "ээж болсны баяр хүргэе" гэж мессэж бичсэн байсан.
Амьдралын минь гэрэл гэгээ болсон хүүдээ 1 ой хүрсэний баярын мэнд хүргэе.

Үг

2008-03-25T20:47:00.000-07:00

Удаан ханилах хүнд уйдах үгийг бүү хэл... гэж
Дээдсүүд маань гарах аргагүй үнэн үг хэлэх юм даа. удаан гэж байгаа хугацаа нь хэдэн жил, хэдэн сар, бүр хэдхэн хоног ч байж болох л юм . Ер нь хэн ч байлаа хэдий удах ч юунд та гомдоох үг хэлнэв.
Үгээр хүнийг алж ч болдог, аварч ч болдог

Ээж минь

2008-03-24T00:26:00.000-07:00

Өнгө будаг сүлэлдсээр хорвоо үргэлжилнэ
Өрөвч нинжин ээж минь хайраа надад сөгнөнө
Үерлэх шиг давалгаат их амьдралын урсгалд
Үр минь гээд намайг л хүлээж суух ээж минь

Уцаарлаж таныхаа өмнөөс заримдаа би асдаг
Ундууцаж таныхаа үгийг хааяа би цацаж хаядаг
Угтаа бол өлмийд тань мэхийж зүрхэн дотроо шимширдэг
Ухаангүй үрээ харцаараа зэмлэхийг тань би мэдэрдэг ээ

Хавар намар ээлжилсээр он жилүүд улирна
Хайлган сэтгэлт ээж минь сүүгээ надад өргөнө
Халгих шиг эрчлээт энэ амьдралын тойрогт
Хүү минь гээд намайг л хүлээн суух ээж минь

Өөрийн бүхнээ илүүд санаж алсад би оддог
Өчнөөн удаад ирэхэд санасан сэтгэл тань мэлмэрэн угтдаг
Үнэндээ таныгаа жаргаахсан гэж зүрхэн дотроо эмзэглэдэг
Үргэлж намайг хайраараа ивээдгийг тань би мэдэрдэг ээ

Э.Үржинханд

Зүүдэлж жаргах амраг

2008-03-18T18:39:00.000-07:00

Харцыг чинь санаад би хайлан дурсдаг
Хайрын чинь туяанд дуулан сэргэдэг
Буурцган зүрхэндээ хоёулаа байдаг
Бусдын тэвэрт чи минь жарга даа
Зүсийг чинь санаад би уяран дурсдаг
Зүрхий чинь хөглөе гэж зүүдэлж сэрдэг
Өөрийг чинь хайрлаад цалгиж яваа
Өрөөлийн энхрийлэлд чи минь жарга даа
Эрхэм төрхийг чинь би эргэн дурсдаг
Энэхэн заяандаа хааяа гуньдаг
Энхэрхэн зүрхийг минь хөглөж ирсэн
Энхрий чамдаа дэндүү даслаа
Галбирыг чинь санаад би элбэрэн дурсдаг
Гарын чинь сайханд зөөлрөн суудаг
Хөхөмдөг огторгуй дээвэр минь болдог
Хүний хүнтэй чи минь жарга даа
Дөлгөөхөн төрхийг чинь би эргэн дурсдаг
Дөрвөн цагийг өртөөлж хүлээдэг
Тэнгэрийн саран доор хоёулаа байлаа ч
Тэмдгэрэх үүрийг тус тусдаа тосдог"

Ц.Бавуудорж

Ханиараа бахархахуй

2008-03-16T19:03:00.000-07:00

Өнгөрсөн хагас сайнд цэргүүдийн үзүүлэн тоглот үзээд анх удаа тэрийг үсэн болоод ч тэр үү миний хань цэргийн хүн болоод тэр дунд байсан болоод ч тэр үү үнэхээр сайхан санагдсан. Тэр тэмцээнд хамгийн гол нь ханийн маань баг түрүүлсэн болохоор бүүр ч сайхан. Буу үүрээд үзүүлэн тоглолт хийж байгаа залуусыг хараад үнэхээр эх орны хөвгүүд гэж энийг хэлэх байх даа л гэж бодогдож байсан, тэр дундаа ханийгаа хараад бүүр ч догдолсон, бахархсан бас хайрласан, би ямар азтай юм бэ? бурхан надад ямар сайн хүн явуулаа вэ? гэж. Надад Эх орны зоригт хүүгийн гэргий гэх хүндтэй бөгөөд хариуцлагатай үүрэг ноогджээ гэдгийг ойлголоо. Хатуужилтай хэрсүү хэрнээ уяан зөөлөн сэтгэлтэй тийм л хүний гэргий болсондоо маш их баяртай байна. Маргааш 3 сарын 18, цэрэг эрсийн баярын өдөр. Ханидаа болоод Монголын нийт эх оронч зоригт хөвгүүддээ баярын мэнд хүргэе . Та нар минь байгаа болохоор би, бид амар амгалан байгаа юм шүү.
Хээр хэвтэх яс нэг
Хэзээд урсах цус нэг
Эзэн Чингисийн үр сад
Элитийн батлеон өөдөө....
гэж дуу нэгтэй хэлж байгаа залуус сүрдмээр ч юм шиг, гайхмаар ч юм шиг. За юутай ч атугай би гэдэг хүн сайхан ханийхаа сэвгүй сэтгэлийг булингартуулалгүй өөрт оногдсон энэ их хувь тавилангаа шүтэж амьдрах минь л чухал болж дээ.

Гүнж

2008-03-07T03:04:00.000-08:00

Өнөөдөр 3 сарын 10-ны өдөр, Олон Улсын Эмэгтэйчүүдийн баяр болж өнгөрлөө. Энэ өдөр миний хувьд хамгийн сайхан өдөр байлаа. Учир нь би бүх хүмүүсийн хувьд бүрэн эрхэт Гүнж байх цорын ганц өдөр байсан болохоор тэр. Ялангуяа ханиас бусад танидаг бүх л эрэгтэй хүмүүсийн хувьд бол бүр ч гүнж шиг аашилж болох цорын ганц өдөр шүү дээ. Ханий хувьд бол угаасаа л бүх л амьдралынх нь Гүнж шүү дээ. Гүнж байх үнэхээр сайхан тааламжтай байлаа. хүсэл минь нүд ирмэх зуур биелэж байх юм. нэг мэдэхэд хоол бэлэн гэр цэвэрхэн тэгсэн хэрнээ бэлэг аваал. үнэн лайтай.., 3 сарын 8нд эрэгтэй хүмүүс лав үлгэрт гардаг хүсэл биелүүлэгч зурхай загас эсвэл бирд ч юм уу болдог байхаа. Гүнжийн ямбыг эдэлж, гүнжийн эрх эдэлж үзээгүй бий арай л тэнгэрт ниссэнгүй гэм. Хүүхэд байхдаа "Үүлэн бор"-ын үлгэрүүдийг уншаад гүнж болох юмсан гэж мөрөөддөг байлаа. Үнэхээр болдог юм байна. Ямартаа ч Гүнж болох хүслийг минь биелүүлсэн 3 сарын 8нд талархаж байна. Энэ жил миний хувьд бүүр ч онцлог, юу гээч? Би бээр анх удаа хамт олны дунд эл баярыг угтаж үзлээ. Сайхан санагдсан. сэтгэл хөдөлсөн гэдэг жигтэйхэн, хамгаас хайртай агаа нартаа маш их бүр дэндүү их баяраллаа гэж хэлий. Гэхдээ агаа нарынхаа хувьд яалаа гэж эхнэрүүдээс нь илүү Гүнж байж чадах билээ.
Хүүхэд байхдаа мөрөөддөг байсан зүйл минь хүний гэргий болсон хойно биелдэг байжээ.
Эцэст нь эрчүүд минь бусад нь яах вэ ганц муу эхнэрээ л өөрийн амьдралын Гүнж болгон хайрлаж яваарай. Гүнж үгүй бол хааны сэнтий тань ганхах л байх шүү.

Халаасны өрөө

2008-02-21T22:39:00.000-08:00

Айлын бөөрөнд амь зууна гэдэг
Амаргүй даваа, хүүгээ л өрөвдөх юм
Амьтан царайчилж амьдарна гэдэг
Аймаар заяа, хүүхдээ л бодох юм

Гэрийн эзний хүүхдийг аргадаж
Гэмгүй мөртлөө гэмшилд автаж
Цэцэрлэгийн чихрээ идэхгүй өгнө
Цэцэг шиг нас гундаж өснө

Турьхан нуруундаа гутамшиг үүрч
Туних эрхлэхийг бүр мартаж
Тоглохдоо хүртэл хүн харна
Толгой гудгархан бараадаж гүйнэ.

Банди нар л болсон хойно доо
Байлдаж тоглох дуртай байх юм
Хүүхэд л болсон газар даа
Хүү минь хүртэл дагаж гүйх юм

Дайтаж тоглох жаалууд дунд
Дайсан болох нь алга атал
Чимээгүй хүү минь л оногдох юм
Чихээ бөглөвч гуниг нь сонсдох юм

Халаасны өрөөнд амь зууна гэдэг
Хатуу даваа, хүүгээ л өрөвдөх юм
Хар элгийн хүнийг царайчилна гэдэг
Хэцүү заяа, хүүхдээ л бодох юм

Ялах дон жаалуудыг олзолж
Ялагдах дайсан олдохгүй болоход
Дуугүйхэн миний хүү л сөгдөх юм
Дусал нулимсаа аниргүй залгих юм

Удаан дайны золио болгон
Урван тоглох хүн олдохоо болиход
Тоглоомон буугаа ганцаараа хураалгаж
Тоодойтлоо туугдаад явах юм

Үймж дарвих хүүхдүүдийн хэн нь ч
Үхэж тоглох дуртай байхад
Аниргүхэн миний хүү л сөгдөх юм
Аавынхаа нүдэн дээр толгойгоо авахуулах юм

Болохгүй гэх газар байх биш дээ
Болзошгүй дайн нүүрлэдэг юм гэхэд
Ялагдаж тоглоод сурсан хүү минь
Яаж байлдах юм болдоо хэн мэдэхэв!

Хаяа хийлсэн их гүрнүүдийн бөөрөнд
Халаасны өрөө шиг эх орон минь ээ
Цадиг түүхтэй дээдсийн үрсийг
Царайчилж сургахгүй юм сан, яадаг юм билээ .

Инээмсэглэ

2008-02-20T18:41:00.000-08:00

Сэтгэл нэг л дундуур уйлмаар байх чинь нулимсаа тэвчээд би инээе
Зүрх нэг л хөндүүр зүсэгдсэн юм шиг байх чинь бүхнийг мартан би чангаар инээе
Дээрээс тэнгэр нурж, доороос газар цөмрөөгүй байна ашгүй дээ уйтгарлах хэрэг алга
Инээд танд туслана

Морин хуур

2008-02-20T00:23:00.000-08:00

Морин хуураа гэж... үндэсний минь өмнөө барих ганц баялаг гэж болох л юм. Юун Таван толгой , Оюу толгойн алт, нүүрс вэ? Тэд чинь нэг л мэдэхэд дуусчий ш дээ.
Саяхан Монголын алдарт хуурч Жамъяан гуай 89 насан дээрээ хорвоогийн мөнх бусыг үзүүлсэн тухай гашуудлын мэдээ сонсогдсон. Үнэхээр л хуурын минь 2 чавхдас түр хугацаанд тасарсан болов уу гэлтэй.
Морин хуурын аялгуу сонсоод миний л лав хамаг зүрх булгилаад, догдлоод хөдөө хээр морьтой давхиж ч байгаа юм шиг тийм сонин мэдрэмж ч гэх юм уу сэтгэгдэл төрдийн. Морь унаад давхимаар ч юм шиг, анх удаа өсгий цагаан хонгор халзан морь унаад өвөөрүүгээ давхиж байсан минь санаанд ордын. Гэтэл яруу найрагч Ичинхорлоогийн нэгэн шүлэг байнаа.

Морин хуурчид хэлэх шүлэг ...

Дэргэдээс чинь сул шороо ч үргэхгүй
Дэлхий яаж уяардагыг би харж ханахгүй
Хаврын униар шиг чиний хуурын аялгуу
Халгиа мөрний ус мэт зүрхэн дундуур бидэртэнэ.
Түмэн агтын сүүлэнд хургасан салхинаас
Гэгэлгэн уянга омголон унага шиг алдрахад

Түүчуу тогоруудын сүүлчийн дэвэлтийг умартан
Гэгээн сэтгэлд сарны хун өдөлнө.
Хар зүрхийг эзэгнэх хуурын чинь аяргууг шүтэвч
Хар шөнийн зүүдэнд чи ирдэггүй
Мөнхийн аялгууг эзэгнэсэн чамайг
Мөрөөдөн сууж би чаддаггүй
Буйд газрын хөнгөн зэрэглээнд
Борог өвс салхинд налах төлийнхөнд
Эх нутаг минь яруухан гэж
Эгшиг нөмрөн шивнэсэнийг чинь мартдаггүй
Дэргэдээс чинь сул шороо ч үргэхгүй
Дэлхий яаж эргэдэгийг би харж чадахгүй
Хаврын униар шиг чиний хуурын аялгуу
Халгиа мөрний ус шиг зүрхэн дундуур бидэртэнэ

Нээрээ л хуурын аялгуу гэж зүрхэн дундуур зүсч ороод хүнийг уйлуулана чиг, дуулуулана чиг. Би яг одоо Харангийн Лхагваагийн "Морин хуур" дууг сонсож байна. хамаг сэтгэл хөдөлгөөд хаячихлээ. Миний Монголын өвөг дээдэс ч бишрээд бишрээд барахгүй хүмүүс юм даа. Ийм сайхан хуур хийж л байдаг, ганц хуур ч биш л дээ...
Би ч бас азтай юм аа ийм сайхан оронд төрдөг.
Нацагдоржийн
Энэ бол миний төрсөн нутаг
Монголын сайхан орон гэж..

Ганцхан чамайг л би хайрласан

2008-02-12T23:45:00.000-08:00

Эгэл жирийн төрхөнд чинь би татагдсан
Энгийн хэрнээ ухаалаг үгэнд чинь би уярсан
Эр хүний намбатай хүнлэг сэтгэлд чинь би дурласан
Эгцлээд ширтэхээр тулгарчихдаг харцанд чинь би хайлсан
Энэ бүхний цогц болохоор ганцхан чамайг л би хайрласан

БИ ЧАМД ХАЙРТАЙ

2008-02-12T23:43:00.000-08:00

Мянга мянган хунгийн жигүүрийн салхинд сэмрэх
Мяндас шиг хэврэгхэн сэтгэл надад үгүй
Мянган жил өнгөрөвч шинэхэн байх үгийг
Магад одоо чамдаа хэлье
БИ ЧАМД ХАЙРТАЙ

Харимаар байна.

2008-01-23T18:53:00.000-08:00

Ойрдоо нэг л сэтгэл дундуур байх чинь. Уур хүрээд ч байгаа юмуу жаахан бухимдуу байх шиг... Ийм байх шалтгаан бодоод үзсэн алгаа, өглөө болгон хайртай ханьдаа эрхэлж эрхэлж, бяцхан үрээ үнсэж үнсэж гардаг. Гээд бодоод байсан өвөөгөө санаж байна, ээжийгээ санаж байна, эгээгээ санаж байна, дүү нараа санаж байна, гэрээ санаж байна. Удахгүй цагаан сар болоод харина гэж бодохоор улам ч их санах шиг. Нээх гоё ээжийнхээ чанадаг зутантай будаатай цайг уумаар ч юм шиг., ээжийнхээ өвөр дээр толгойгоо тавиад эрхэлмээр ч юм шиг., мэдэхгүй ээ нэг л хачин.
Зүрх нэг л догдлоод ч байгаа юм шиг.., ээждээ нэг ч удаа өглөө босч цай чанаж өгөлгүй хүний хүн болсон гэхээр гомдолтой санагдаж байна. Уул нь өглөө босдог байсан л даа тэр маань ээжийн минь намайг өсгсөнтэй тэнцэнэ гэж үү. Охиноо хүний нутагт сайн явна гэвэл баярлаж, бие нь өвдсөн ч юмуу муу юм болж гэвэл санаа нь зовж сайн мэдээ ирэхийг хүлээн суудаг байх даа. Ээжтэйгээ, өвөө эмээтэйгээ байх даа их хөгжилтэй байдаг байж билээ. Намайг дандаа л хэрэггүй үг хэлж хүний инээд хүргэж байхын гэдэг байж билээ эмээ минь.
Эмээ маань дандаа "Миний баруун гарт хайч байхгүй бол би юм хийж чаддаггүй юм" гэдэг байсын. Нэг удаа эмээтэйгээ дээл хийгээд сууж байлаа. би оёдлын машин дээр суугаад дээлийнхээ эмжээрийг оёод, эмээ маань тааруулах засах юм байвал янзлаад сууж байлаа. Би юмаа оёж дуусаад утсаа таслах гэсэн хайч байдаггүй. Тэгэхлээр нь эмээдээ "ингээд миний баруун гарт хайч байхгүй бол би юм хийж чаддаггүй юм" гэсэн чинь эмээ маань инээгээд муу эмээгээ элэглээл гэж билээ.
Бас нэг удаа өвөө маань тамхинаас гарчихсан байсын. Гэтэл нэг харсан өвөө маань хоосон гаансаа сорчихсон сууж байна. Тэгээд зуухныхаа хажууд тонгойн юм бодоод сууж байтал гэрийн баруун талын орон дээр сууж байсан өвөө гараад явчих шиг болохоор нь (тэр үед эмээ юм оёд сууж байлаа) өвөөгийн орлуу нэг харснаа байхгүй болохоор нь тонгойсон чигээрээ эмээдээ "эмээээ!! өвөө байна шүү дээ.., тамхи татаад байсан шүү дээ " гээд хэлчихлээ. Тэгсэн эмээ "яадаг муу өвөө вэ танхи татаад" гэлээ. тэгээд жаахан байж байтал миний ард чимээ гарахаар нь эргээд харсан чинь өвөө сууж байна. Хэхэ би өвөөгөө хараал инээчихсэн. Үхтлээ инээж билээ, өвөө эмээ 2 энэ хүүхэд чинь учиргүй инээгээд юу болов яадаг хүүхэд вэ гээд. Тэгсэн өвөө хаалга дутуу хаагдсан байхаар нь татаж хаачаад байраа солиод суусныг нь би мэдсэнгүй бололтой. Би нэг тиймэрхүү л хов хүргэдэг хүн дээ.
Ээжтэйгээ байхдаа цаадах чинь ямар жаргалтай гээч. Айлын том байж эрхлээл заримдаа ичмээр ч юм шиг. хэхэ гэхдээ яахав дээ эрхлэх хугацаа богино юм чинь.
Үнэнийг хэлэхэд ганц энэ жил л гэртээ шинэлэх боломж байна даа. Айлын эхнэр болчихоод нөхрөө хаяад гэрлүүгээ яваад байж болохгүй биз. Гэж бодохоор л ........

Эх орны төлөө цохилох зүрх

2008-01-21T00:13:00.000-08:00

Монголчууд бид хэдийнээс л түүх соёолоо судлан эзэн Чингис хаанаараа бахархаж, өвөг дээдсээ хүндэлж ирсэн билээ. Эх орон гэдэг ямар үнэтэй зүйл билээ. Эх орныхоо атга шороо, ширхэг чулууг ч харийнханд өгөхгүй хэмээн тэмцэж ирсэн бус уу. Гэтэл сүүлийн үед атга шороо харамлах биш авдар авдраар нь алтаа явуулах болжээ. Би Монголын газар шороонд байгаа тэр их баялаг хямдхан үнээр хил давах болоод байгаад сэтгэл их л гонсойж явдаг билээ. Би хөдөө мал маллаж, чулуу түүж , чулуун гэр барьж тоглож өссөн болоод ч тэр үү ширхэг чулуу ч гэсэн эх орны минь эрдэнэ шиг санагддаг. Чингис хаанаараа бархаж ирсэн. Гэтэл гадаадын нэгэн веб хуудсан дээр Чингис хааны минь тухай их тааламжгүй юм бичжээ. Та бүхэн түүнийг Энэ хэсгээс уншиж санал бодлоо хуваалцана биз ээ.

Эргэх 4-н улирал...

2008-01-17T22:28:00.000-08:00

Өвөл...
Хүмүүс хэлэхдээ өвөл цас ороод цан чаргаар гулгаад гоё гэсэн, харин миний хувьд гаднаасаа даарсан бээрсэн цаанаа л нэг хүйт оргиулсан уйтгартай тааламжгүй улирал. Гудамжаар явж байгаа хүмүүсийг харахлээр нэг л даарсан, яарсан, сандарсан бээрсэн харагддаг.
Тийм дээ хүний амьдралд ч мөн адил өвлийн улирал гэж байдаг. Сэтгэлдээ жавар хургуулж, цас оруулан уйтгарлаж, ганцаардан хэн нэгнийг эрэлхийлэх нь өвлийн цагт даарч дулаан газар хайхтай адил. Гэтэл сайн гэгч нь дулаацчих газар тэр бүр олдох болов уу. Олдож болох ч тэнд хэр удаан байх вэ.
Хавар...
Юм бүхэн сэргэж, мод ногоорон сэтгэлд нэг л таатай. Түүнтэй адил юм ээлжтэй юм болохоор хүний амьдралд ч мөн адил цэцэглэн, уйтгар гуниг ганцаардлаа мартан сэргэлэн цовоо өөдрөгөөр амьдралын зүг тэмүүлэх нь нялх ногоо ургах гэж бороотой бороогүй цухуйх мэт.
Сэтгэлдээ хургасан жаврыг хаврын салхинд үргээж болох ч юм шиг.
Зун...
Би зуны улиралд дуртай. Дулаахан нуруу тэнэгэр алхалж болно. Бас зуны улиралд хүмүүс тэр дундаа бүсгүйчүүд хамгийн гоёоороо байж чаддаг. Хүний амьдрал үргэлж зун цаг шиг дэлгэр тасаг хангалуун байдаг бол мөн сайхнаа. Даанч хэдий зун цаг ч гэлээ бас хэтэрхий халуунд сүүдэр хайх үе гардаг шүү дээ.
Намар...
Намар бас л сайхан улирал. хэдий өвөл болохын дохио ч гэлээ халах ч үгүй, хөрөх ч үгүй. Бүгдийн сэтгэлд баяр жаргал дүүрэн байдаг. Тэр дундаа миний төрсөн өдөр намрын эхэн сарын дундуур болдог болохоор бүр ч таатай. Хүний амьдрал дандаа намар, хавар 2 шиг бол ямар санагдах бол. Хааяа ч гэсэн өвлийн гоё ганган нэхий дээл эсвэл дэгжин малгай өмсөхийг хүсэхгүй гэж үү.
Зовлон жаргал 2 ээлжилдэг энэ орчлон яг л эргэх 4 улирал ч юмуу даа.

Нэрээ солиллоо

2008-01-17T01:55:00.000-08:00

Би бичлэгүүдээ үргэлж бодож болгоож явдаг, өөрийн сэтгэлээс өөрийн үгээр бичдэг болохоор Блогийнхоо нэрийг өөрчлөхөөр шийдлээ.
Нэр өөрчлөгдлөө гээд анхны утгаасаа гажихгүй ээ.

Маш их таалагдлаа

2008-01-10T16:39:00.000-08:00

Эрдэнэтээс төрсөн сэтгэгдэл

2008-01-03T23:55:00.000-08:00

Би уул нь байгалийн үзэсгэлэнт газраар аялаж, Монгол орныхоо байгалыг үзэх юмсан гэж их боддог ч одоохондоо явж амжаагүй л байна. Миний очсон газар гэвэл Өвөрхангайн "Эрдэнэзуу хийд", Архангайн төв, "Тайхар чулуу", "3-н Тамирын бэлчир", Сэлэнгэ аймгийн хил дээр байдаг "Сайханы хөтөл - Орхон Сэлэнгийн сав газар", дээрээс нь намар ажлынхантайгаа Тэрэлжрүү анх удаа явж үзсэн. Надад таалагдсан, гоё санагдсан. Харин би сая Эрдэнэт хотруу яваад ирлээ, явах болсон шалтгаан миний нөхөр Эрдэнэтийн хүн болохоор ямар нутгийн бэр болсноо үзэх гэж. Хотын хувьд хүмүүс нь хотынхоо төвийг Горд гэж нэрлэдэг юм байна. Том хот санагдсан. Эрдэнэтийн зайсан толгой дээр нь гарсан, Гокын дарга байсан Отгонбилэгийн нэрэмжит ТИС дээр очиж түүний хөшөөг үзсэн, бас тэнд элгэнд сайн рашаан байдаг юм билээ. Би илүү үгтэйгээрээ "танайх элгэнд сайн рашаантай болохоороо архи их уудаг уу" гэж хэлээд нутгийн хүний дургүйг жаахан хүргэчих шиг болсон. дэлгүүрийн байрлал нь хоттой төстэй Tumbash-с эхлээд Номин хүртэл үргэлжилдэг юм билээ. Эрдэнэтийн Уулын баяжуулах үйлдвэр Гокоороо алдартай энэ хотод хачирхалтай санагдсан юм олон байсан. Хамгийн эхлээд хүн ард нь зөвхөн Гокын цалинг харж амьдардаг гэсэн. Гокын цалин буусан бол бар паб нь цөм орлого хийж, дэлгүүрийнх нь барааны үнэ нэмэгддэг гэсэн. Гок-д ажиллахгүй бол тэнд амьдрах хэцүү ч юм шиг...
Эрдэнэт Улаанбаатар 2-ын хооронд замд явж байхдаа бас нэг гайхшруулсан юм гэвэл хангай талруугаа хот газар элбэг юм шиг санагдсан, жоохон яваал суурин газар. харамсалтай нь тэдгээрийн дунд гайгүйхэн суурин газар бараг байхгүй голдуу балгас болсон газрууд. Манай говь нутагруу явахад суурин газар бараг байхгүй дандаа хөдөөний айл ганц нэг гэрээрээ буусан харагддаг. Бас малаа хариулж яваа хүмүүс зөндөө таардаг бол хойд зүгрүү явахад шал эсрэгээрээ хөдөөний амьдрал бараг байхгүй гэж хэлж болохоор санагдсан. Их л уулархаг газраар явсандаа. Ёстой найрагчдын хэлдгээр хязгаар нь үл харагдах талд өссөн болоод ч тэрүү том том уулнууд аймар сүрдмээр байсан. Хэдийгээр Монголын минь газар шороо ч гэлээ говь нутгаас минь илүүгүй санагдаагүй. Хөдөөний жинхэнэ Монгол амьдрал говь нутагт минь л үлдсэн юм шиг санагдсан.

1+1=1

2007-12-23T23:17:00.000-08:00

2 сэтгэл 1 хүсэл, 2 зүрх 1 бие, 2 хүн 1 амьдрал..,

Та хэн бэ?

2007-12-20T17:44:00.000-08:00

Дэлхий дээр нийт 6 тэр бум гаран хүн амьдардаг. Тэгвэл энэ олон хүнийг ердөө л гуравхан ангилалд хуваан үздэг гэнээ.
1. Бусдад сайныг хүсдэг хүн: Энэ ангилалын хүмүүс үргэлж бусдын төлөө санаа зовж, бусдын төлөө сэтгэл гарган бусдад сайн үйл хийхийн тулд зорьж байдаг гэнэ.
2. Зөвхөн өөртөө сайныг хүсдэг хүн: Энэ ангилалын хүмүүс зөвхөн өөрийнхөө сайн сайхны төлөө юу ч хийхэд бэлэн байдаг ч бусдын зовлон жаргалыг үл ойшоогчид гэнэ.
3. Бусдад мууг хүсдэг хүн: Энэ ангилалын хүмүүс бусдын амжилтанд атаархаж, бусдад үргэлж мууг хүсч байдаг хүмүүс гэнээ.

Та энэ 3 ангилалын чухам алинд нь багтах бол...

Зүйр үг 3

2007-12-18T00:34:00.000-08:00

Дуслыг хураавал "Далай"
Дуулсаныг хураавал "Эрдэм"

Шинэ жилийн баярын мэнд хүргэе...

2007-12-18T00:20:00.000-08:00

Хамгийн хурдан Веб броузер

2007-12-14T00:38:00.000-08:00

Үйлдлийн системийн хамгийн хурдан web browser, олон давуу талтай гэгдэж байгаа Firefox-оос хурдан web browser гарсан талаар сонирхолтой мэдээлэл бичигдсэн байна.
Mac үйлдлийн системийн хамгийн хурдан web browser байсан Safari-г Apple-ынхан 6 сарын 11-нд Microsoft xp, vista -ын хэрэглэгч нарт зориулан Safari 3 гэсэн нэртэйгээр Piblic beta хувилбараар гаргалаа. Энэ нь Windows XP Professional SP2 cистем дээр хуудас ачаалахдаа Explorer 7-оос 2 дахин, Firefox 2-оос 1,6 дахин харин JavaScript ажиллуулахдаа Explorer 7-оос 2.8 дахин Firefox 2-оос 1.6 дахин хурдан ажилласан үр дүнг test-ээр өгчээ. Иймээс Windows Pc-ны хамгийн хурдан web browser гэж Apple-ын талаас өргөмжилөөд байгаа. Харин Microsoft-д зориулсан final хувилбараа 9н сараас гаргасан байна. Одоогийн beta хувилбарын minimum system requirements нь Windows -д Windows XP эсвэл Windows Vista систем, 256 MB memory, 500 MHz Intel Pentium processor болно.

Хэлц үг

2007-12-13T23:51:00.000-08:00

Ирнэ ирнэ гэж
Илүү жинтүү тавиулаад
Ирэхгүй тойроод явчихдаг
Илүү зантай моншин бэ
Хононо хононо гэж
Хоёр жинтүү тавиулаад
Хонохгүй тойроод явчихдаг
Хоёр зантай моншин бэ гэж

Шинэ оны мэнд хүргэе.

2007-12-13T00:11:00.001-08:00

Амжилт бүтээлийн гэрэл цацарсан
Аз жаргалын мөнгөн жимээр
Урам зориг хүсэл тэмүүллээр дүүрэн
Угтах он айлчлан ирлээ

Сайхан баярлаарай...!!!

Бичлэг

2007-12-12T18:02:00.000-08:00

Би Блогийнхоо хамгийн анхны бичлэгийг "Амьдралын утга учир"-ын тухай бичсэн. Амьдралын утга учир гэж миний хувьд мартагдашгүй хүний сэтгэлд мөнх үлддэг "Дурсамж"-ийг хэлнэ гэсэн. Тиймээ миний сэтгэлд аав, ээж, өвөө, эмээ анд найз гээд бүх хүний тухай зөвхөн дурсамж нь л үлдсэн болохоор би тэгж бичсэн юм шүү дээ.

Цэцэн үг цуварлаас...

2007-12-12T18:01:00.000-08:00

Бурхан зөвхөн өөртөө тусалдаг хүнд л тусалдаг.

Миний хайрын түүх

2007-12-10T23:39:00.000-08:00

Би өөрийнхөө түүхээс жаахан бичээдэхий дээ. Би анх 7-р ангид байхдаа нэг хүүтэй танилцсан юм. Надаас 1 насаар ах хүүхэд байсан нэрийг нь Пүүжээ гэнэ. Үргэлж миний дэргэд байж тоглосон ч хичээлдээ явсан ч надтай хамт байдаг байсан . Яагаад гэдгий нь мэдэхгүй ч нэг л мэдэхэд Пүүжээд сайн болчихсон байсан. Пүүжээг утсаар ярихад нь дотроо баярладаг хэрнээ дандаа муухай ааш гарган яах гэж яриж байгаа юм бэ гээл уурлана. Утсаар ярихгүй бол сэтгэл нэг л хачин утас чагнан утсаар ярихыг нь хүлээнэ . Тэгсэн хэрнээ яагаад ч юм 8-р ангид ороод өөрөөсөө 2 ах Баясгалан гэдэг хүүхэдтэй 2 сар үерхэж үзлээ. Надад тэр хүүхэд ерөөсөө таалагдаагүй, яагаад үерхснээ бодоод олдоггүй юм. Зүгээр л найз залуутай охидууд гоё санагдсан байх л даа. Нэг удаа Баясаатай хамт явж байгаад Пүүжээтэй таарлаа. Пүүжээ надад хандан "Намайг хайрлаагүйн чинь төлөө" гээд Баясааг миний дэргэд зодоход нь би өөрийн эрхгүй уйлж билээ. Тэр нулимс Баясааг зодуулсанд биш өөрийнхөө сайн хүний сэтгэлийг олж хараагүйдээ харамсан уйлж байсан.
Тэгээд тэр цагаас хойш Баясаагаас салж зүгээр л Пүүжээг хүлээхээр шийдсэн. Хүн үерхий гэж гуйвал надад сайн хүн байдаг гэж хэлдээд буцаана. Их Сургуульд орсон хойноо ч Пүүжээг бодсоор л байсан. Би 3-р курс төгсөн төгстлөө бүтэн 7 жил Пүүжээд сайн байсан. Анхнаасаа тэр хүнд сайн гэж бодсон болохоор зөвхөн тэр хүнийг л хүлээх хэрэгтэй гэж бодож байсан. Хэзээ нэгэн цагт тэр хүнтэй дахиж уулзвал өөрийнхөө сэтгэлийг ойлгуулана даа гэж боддог байлаа. Сүүлд нэг таньдаг хүүхдээсээ "Пүүжээ чамайг үргэлж холоос хардаг байсан чамд харагдалгүй зүгээр л дагаж явдаг байсан. Чамайг хүнтэй суутал хэн нэгнийг хайрлахгүй гэж хэлсэн" гэхэд нь бүтэн өдөржингөө уйлж өнжсөн. Анхны хайр бүтдэггүй гэдэгт бүрэн итгэсэн. 4-р курстээ ороод Пүүжээгийн тухай огт бодохоо больчихсон байсан. Тэгээд ч төгсөх курс болохоор хийх хичээл их байсан болохоор тэр биз. Харин төгсөх хавраа Болдоотой танилцсан. Манай найз охин танилцуулсан. Яагаад ч юм надад маш их таалагдсан. Тэгээд намайг тоохгүй бол яанаа гэж бодож байтал найз охиндоо ирсэн " Сумбаа бусдаас өөр юмаа, Сэтгэл нэг л хачин болчихлоо Сумбааг миний өмнөөс үнсээрэй" гэсэн Болдоогийн мессежийг уншаад ямар их баярласан гээч. Хүний амьдралд юу ч тохиолдож болно. Ямар ч хүн таарч мэднэ. Харин нададтай Болдоо минь учирсан. Болдоогоос өөр хүнийг би одоо төсөөлөхгүй байна. Ийм сайхан хайрыг намайг өөрөөс минь илүү хайрладаг тийм хүнийг бэлэглэсэн бурханд талархдаг.
Жинхэнэ хайрыг олсон бол алдах хэрэггүй гэдэг. Болдоо миний жинхэнэ хайр . Заримдаа өдөр бүр уулздаг хэрнээ үе үехэн маш ихээр санадаг.
Үргэлж чамдаа хайртай байнаа. Үхэн үхтлээ хамт байна.

Миний бодол

2007-12-10T04:00:00.000-08:00

Би нэгэнтээ л амьдралын тухай зарим нэг чухал зүйлийг бичий гэсэн. Надад хэрэгтэй саналууд ирэх болов уу гэж бодоод тэр. Магадгүй миний алдаануудыг засч залруулж хэлэх хүн байна байх гэж бодоод... Би зүгээр л өөрийн бодлоо хуваалцья тэгээд дараа нь зөвөлгөө авий эцэст нь үр дүнгийн тухай ярих л гэсэн юм.. Ингээд өөртөө тулгараад байгаа асуудлуудаа бага багаар шийдэж эхлий дээ. Ингэхийн тулд л энэ блог нээгдсэн байх гэж бодож байна.
Эхний ээлжинд миний ярих сэдэв "Хувь хүний хариуцлага". Хүн хүмүүс дунд амьдарч байгаа цагт үүрэг хариуцлага гарч ирнэ. Тэр тундаа ажил хийж буй бол асуудал байнга үүсж, алдаа гарч хариуцлага хүлээж л таараа. Тэр гаргаад байгаа алдаануудыг багасгах хэрэгтэй, засах хэрэгтэй. Энэ мэдээж хувь хүн өөрөөс нь шалтгаалах зүйл гэдгийг мэдэж байна л даа. Тэгвэл хайнга байдал, хэнэггүй зангаас яаж гарах вэ. Тэр цагт гаргаад байгаа алдаа нь багасана биз. Юу гэж бодож байна.

Анжелика

2007-12-06T19:03:00.000-08:00

Энэ кино Анжелика гэх үзэсгэлэнт бүсгүй тахир дутуу доголон тайжид богдлогдон очиж байгаагаар эхэлдэг. Түүний сорвитой нүүр тахир дутуу хазгар хөлнөөс айн өөртөө гомдон дэрээ нэвтэртэл уйлж хонодог байлаа. Цаг хугацаа өнгөрөх тусам нөхрийнхөө сорвитой нүүрний цаана хүнд баймгүй үнэнч шудрага ухаалаг зан чанар буйг олж харан аажим аажмаар эр нөхөртөө дасан хайр сэтгэлээ өгөн 2 хүү төрүүлдэг. Гэвч сайхан хүүхэн хуримгүй гэж Гоо бүсгүйд дуралсан эзэн хаатан Анжеликаг хатнаа болгож авахын тулд доголон тайжыг хуурамчаар цаазалдаг. нөхрөө үхсэн гэдэгт итгэсэн бүсгүй өөрийн эрхгүй хааны ордонд очдог. Ордонд байх хугацаандаа нөхрөө алагдаагүй гэдгийг олж мэдээд хайртай хүнээ олохын тулд холын замд гаран олон саад бэрхшээлийг туулдаг. урт удаан хугацааны турш явахдаа Арабын хаанд хулгайлагддаг, Арабын хааны хатан болохоос татгалзан тэндээс оргож явадаа баригдан амьдаараа барын хоол болох ял сонсж, бүсгүйд дуралсан залуу болон Арабын хааны хатны нөхрөө харамлах сэтгэл 2-ын тусламжтай амьд үлддэг.
Хамгийн гоё нь эцэст нь Анжелика дуудлага худалдаан дээр зарагдах болж хувь заяандаа гомдон цөхрөн сууж байхад нэгэн баян хүн өндөр үнээр худалдан авсан нь энэ урт хугацааны туршид хайж явсан эр нөхөр нь байдаг.
Хайр сэтгэлдээ үнэнч байж чадсан гоо бүсгүйн тухай ийм л кино байсан даа. 4 ангит кино байсан. Би гэхдээ дэндүү товч бичлээ үзвэл гоёо шүү. Ном нь ч бас байдаг.

Миний үзэх дуртай кинонууд

2007-12-06T01:10:00.000-08:00

Амьдралын хүрд: Яагаад надад энэ кино тийм их таалагдсан юм бол. Би энэ киног 5 удаа үзсэн, 5-ууланд нь сайхан санагдсан. Яагаад: гол дүрийн бүсгүй Сотайян Котнийн ухаалаг, зоригтой бас дайчин чанарт нь болсон юм болов уу, бие биенээ танихгүй өрсөлдөж байгаа 2 хүүгиййнх нь хоорондын тэмцэл юм болов уу, Магадгүй уг кинон дээр гарч буй хүмүүсийн хүн чанарын ялгаа юм болов уу. Юутай ч атугай би киног үзэх дуртай.
Хайртай хүнийхээ хүүхдийг төрсөн нутагт нь очиж гаргахаар зориг шулуудан яваа эгэл жирийн бүсгүйн туулах зам урт, давах даваа их ажээ. Гэсэн хэдий ч өөрийн гэсэн үзэл бодолдоо үнэнч байж, тулгарсан саад бэрхшээлийг туудаг. Өөрийн хатуу үзэл бодлын үүднээс бага хүүгээ орхисон хэдийн эцэст нь гардаг эх хүний нинжин зөөлөн сэтгэл нь үнэхээр гайхалтай санагддаг.
Анжелика: Уг кинонд үлгэрт гардаг үнсгэлжин шиг гоо үзэсгэлэнт бүсгүйн үнэнч хайр сэтгэлийн тухай гардаг. Яагаад надад бас тэгтлээ их таалагдаа вэ? бас л зоригтой ухаалаг үнэнч зан чанар нь юм болов уу?

Уншаад үзээрэй

2007-11-30T00:38:00.000-08:00

Та бүхэнд энэ удаа нэгэн нийтлэлийн хаягийг өгөх гэсэн юм. Амьдралын тухай энэхүү бодол эргэцүүлэл хүнийн сэтгэлд нэгэн зүйлийг хэлэх болов уу гэж бодлоо.
СОЛГОЙ АМЬДРАЛ БУЮУ ХАМТРАН АМЬДРАГЧ

Хариулт авий..

2007-11-28T22:36:00.000-08:00

2*2=6 гэдэгтэй санал нийлж байна уу. Би үүнийг үнэн гэж боддог. Сэтгэгдлээ бичээрэй. Яагаад 4 биш 6 гарч байгаа юм болоо.

Зүйр үг 2

2007-11-28T22:34:00.000-08:00

Жаргалтай өдрүүд гэж байхаас
Жаргалтай амьдрал гэж үгүй

Зүйр үг 1

2007-11-28T22:33:00.000-08:00

Эр хүн хэлсэндээ
Эмээлт морь харайсандаа

Хувь тавилан

2007-11-28T22:14:00.000-08:00

Би анх хувь тавилан гэж юу юм болоо гэж боддог байлаа. Харин одоо бол байдаг хүн тэр хувь тавилангийхаа жимээр явдаг гэдэгт итгэдэг болсон. Хүний амьдралд баян хоосон арьс өнгө ер нь юу ч ялгалгүй ямар ч хариуцлага үүрэг ноогдож болно. Тэр нь хувь тавилан аж. Зарим үед жаргалтай юм шиг санагдаж хувь тавиландаа баярладаг, зарим үед гомдож сэтгэлээр унасан үедээ хувь тавиландаа гомдож уйтгарладаг. Мэдлэг чадвар, боловсрол, царай зүс, бие ухаан тэгш зарим эмэгтэйчүүд болон эрэгтэйчүүд яагаад нөхөр эсвэр эхнэргүй байдаг юм бол... Гэтэл яагаад зарим царай муутай мэдлэг боловсрол багатай хүмүүс хүнтэй сууж сайхан амьдардаг юм бол.. минийхээр бол магадгүй тухайн тэр хүний хувь тавилан нь тэгээд зурагдчихсан хэрэг. Хүмүүс хэлэхдээ азтай азгүй эсвэл хувь хүний хүнийг өөртөө татах чавдараас шалтгаалж байгаа юм гэж хэлдэг. Гэхдээ тэр азтай азгүй байхыг нь бас л хувь тавилан цаанаасаа тийм зурчихсан хэрэг биш гэж үү.

Өчүүхэн бага амьдрал гэж юу вэ?

2007-11-22T18:53:00.000-08:00

Үнэнийг хэлэхэд би ч сайн мэдэхгүй, гэхдээ өөрийнхөө бодож байгааг бичий дээ. Үүнийг бичихийн тулд эхлээд "Амьдралын утга учир гэж юу вэ?" гэсэн асуулт тавий. Миний хариулт их амархан. Амьдралын утга учир гэдэг мэдээж эд баялаг биш, эрх мэдэл бүр ч биш, хайр гэвэл бас худлаа болно. Тэгэхлээр асуултын хариултыг дурсамж гэж хэлнэ. Өндөр настай хүмүүс үргэлж бага насныхаа тухай дурсан ярих дуртай байдаг. Магадгүй энэ хорвоогоос явахдаа авч явах ганц зүйл нь дурсамж болохоор тэр ч юм бил үү. Бас үр хүүхдүүддээ үлдээх хамгийн чухал зүйл нь тэр байдаг байх. Миний хувьд би эмээгээ санахдаа эмээ минь тэр юмыг надад авч өгч билээ, тэр зүйлийг бэлэглэж билээ гэхээсээ илүүгээр надад ярьж өгдөг байсан бага насных нь тухай дурсамж яриа, хэлдэг байсан хууль мэт үнэн үгнүүд нь л сэтгэлд минь байдаг.
Тийм болохоор миний хувьд өчүүхэн бага амьдрал гэж гэгээтэй гэрэлтэй зүйлээр арвин дурсамжийг үлдээж чадаагүй тэр хүний амьдрал юм болов уу гэж боддог доо. Мөн бусад хүний сэтгэлд хар бараан сэтгэгдэл үлдээсэн тэр хүний амьдрал өчүүхэн багад тооцогдох болов уу?

Амьдрал

2007-11-22T02:14:00.000-08:00

Мэдээж амьдрал агуу гэдэгтэй маргах хүн байхгүй. Гэхдээ өчүүхэн бага амьдрал ч бас байдаг гэж боддог. Энэ талаар саналаа хэлээрэй би өөрийн бодлоо сэтгэгдлүүдийн сүүлд бичих болно.

Амьдрал

2007-11-20T23:09:00.000-08:00

Сүүлийн үед Амьдрал нэртэй зүйл олон тохиолдох болж. Амьдрал нэртэй дуу, Амьдрал нэртэй тоглолт... гэх мэт. Би бас дутах юу байхав гээд олны жишгийг даган Блогоо амьдрал хэмээн нэрэлчихлээ. Болохгүй нь юу байхав Тиймээ?